Skip to main content

Nuummi Champions Leaguemut piareerput

Champions League aamma Premier Leaguemi arsartunik isiginnaarsinnaalissaatit - Nuummi najugaqaruit aamma Greenland Televisionimik atuisuuguit 

Kalaallit Nunaanni tv'ikkut aallakaatitsissut nutaaq Nuummi aallartinneqarpoq maannamut Kalaallit Nunaanni kanalit aatsaat taamak amerlatigisut neqeroorutaalissapput.

Greenland Televisionip pisortaanera, Jonas Tetzschner, signali iluarsiniarlugu ulapinnikuuvoq maannakkullu aallakaatitsisinnaalerlutik. 

- Signali naammaginarpoq siallertilluguli kipisaqattaarsinnaalluni. Taamaattumik aalajangiupparput juunimi akeqanngitsumik isiginnaarneqarsinnaassasoq, taamaaliornikkut signali misiligarneqassammat. Parabolantenni nutaaq utaqqivarput, taanna maannamut atukkatsinnit sakkortunerujussuuvoq tikeriarpallu kipisaqattaartumik ajornartorsiutaarutissaagut, Jonas Tetzschner oqarpoq.

Taanna oqaluttuarpoq kanalit toqqagassat arlalippassuit ilisimaneqarluartuusut, kisianni GTV siullerpaajulluni filminik, timersornernik aliikkutassianillu ”High Definition”-imik pitsaassusilinnik aamma HD'mik taaneqartartunik aallakaatitsisassasoq. Allatut oqaatigalugu arsamik EM aamma OL pitsassuarnik assiliartallit isiginnaarneqarsinnaassapput.

 

Arsarnermik nuannarisalinnut nalissaqanngilaq

GTV'p kanalit nutaat neqeroorutigisassaat tassaapput Viasatip TV3-kanaliat timersornermik nuannarisalinnit nuannaarutaassagunaqisoq. TV3p Champions Leaguemi unamminerit aallakaatittarpaat, Formel 1 aammalu 2013'imi aasaaneranit Premier Leaguemi unamminerit aallakaatittalissallugit. Tamatuma saniatigut TV3 timersornermik soqutigisaqannginnerusunut aamma aallakaatitassiaqassaaq. Ilaatigut aliikkutassiaanerusut soorlu Fear Factor aamma Paradise Hotel aallakaatittarmatigit. 

Amerlasuut apererusukkunarput suut atorlugit kanalerpassuit isiginnaarneqarsinnaappat? Apeqqummut tassunga GTVmi pisortaaneq akivoq.

- S2-dekoderi pisariaqarpoq Conaximik descrambliisinnaasoq. Fjernsynit nutaajunerpaat S2'mik peqarput, amerlanerpaalli illoqarfimmi radioerniaq tv'nillu tuniniaasumut aqqusaaqqaartariaqassapput, atortorissaarutit sorliit naleqqunnerpaajussanersut paasiniarlugit, Jonas Tetzschner oqarpoq.

Taassuma tikkuarpaa najugaqartut peqatigiiffii ataatsimoorussamik antennillit elektrikerit Arsarnerit saaffigisariaqaraat. Taakkua antenninik iluarsaattariaqartunik ilisimasaqarluarput. 

Juunip naanerani GTVmut ilaasortanngortoqarsinnaavoq Grønlands Radio Centerimut saaffiginninnikkut, taakkua ilaasortanngornermi ilaasortaajunnaarnermillu suliassanik isumaginnissammata. Ilaasortaariaatsit assigiinngitsut pingasut toqqarneqarsinnaapput, tv-pakke 1 299 koruuneqassaaq, tv-pakke 2 499 kiisalu tv-pakke 3 999 koruuneqassalluni, kingullermi tassani kanalit 34't toqqagassaapput toqqaannartumillu aallakaatinneqassallutik.

- Inuit ilaasa pakkep kingulliup akissaa eqqarsaatersuutigisinnaassavaat, kisianni neqeroorut angisuujuvoq Champions Leaguemilu arsartunik isiginnaarsinnaaneq akisoqaluni. TVmi isiginnaarneqarsinnaasut amerlaqaat pingaartumik  HD'mik pitsaassuseq eqqarsaatigissagaanni.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER