Skip to main content

Mary: Maaniippunga!

Kunngissap nulia Kalaallit Nunaannut tikippoq. Mary nal. ak. arfinillit arfineq-marlullu akornanni timmisartoreerluni Hotel Arcticimut apuuppoq

Ullup qeqqata qimmunnerani Mary Ilulissanut apuuppoq. Piffissaq sivikitsoralaannguaq qaangiuttoq kunngissap nulia kangerlummi takusassaq alutornarluinnartoq isiginnaarniarlugu anillaqqilluni, ilami ulluni qaangiuttuni kangerluk tupinnaannartumik pinnersoq takujumassagamiuk.

Ulluni tullerni ilaqutaminut assinik takutitassaminik assiliisaqattaarnissaanut periarfissaqarluassaaq.

Mary atisanik oqortunik nassarluni tikippoq atorfissaqariataarsinnaapput, pilersaarutit naapertorlugit aqagu kangerlummi angallammik angalaassaaq.

Nunami aasarsiorlutik kiassiortorsuupput. Seqineq nuiaqanngitsumit seqinnerpoq illoqarfillu kunngikkormiunit tikeraarneqarnissamut ullut ingerlanerini salinneqarsimavoq.

Mary naasunik tigummiarpoq taakkua Kangerlussuarmut aqqusaarluni tikikkami pissarsiarai. Arnaq naasunik tunisisoq nassuiaavoq qaqqami naasunik orpikkanillu nutsuiartorsimallutik.

Aqagu kunngissap nuliata tikeraarnerminut atatillugu suliassani aallartissavai, ilaatigut Saqqamut angallammik angalaassaaq. Tassani meeqqat paaqqinnittarfiat pulaassavaa qinngasaarisarneq unitsinniarlugu suliniutit killiffiannik paasisassarsiorluni.

Sermitsiaq.AGp ulluni tullerni Maryp tikeraarnera malittarissavaa.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER