Skip to main content

Peqatigiiffik Upernavimmiut tallimmiivoq

Ulloq peqatigiiffiup Upernavimmiut pilersinneqarnerata ukiut tallimanngoqqissaarnerat eqqorlugu peqatigiiffimmi ilaasortat Odensemi ataatsimeersuarput kingorna nereqatigiillutik aliikkusersoqatigiillutillu 

Peqatigiiffiup siunertaraa inuit Upernavimmit kingoqqisut arlaatigulluunniit Upernavimmut attuumassuteqartut, malittarisassat naapertorlugit, nuannisaqatigiittarfinissaanik anguniagaqarpoq. 

Peqatigiiffik juunip aappaani 2007 pilersinneqarpoq aallarnisaasut Lida Sørensen maannalu qanganngoreersoq Vera Birk siuttoralugit, ullumikkut ilaasortat 150 missaanniipput. Odensemi ataatsimiinnermi ilaasortat 50 miss. takkupput. Siulersuisunut qinersisoqarmat Kaati Jacobsen siulittaasutut toqqarneqarpoq. Siulersuisut Danmarkimi sumi tamani najugaqarput Jyllandip avannarpiaanit kujataani Lollandimi.

Peqataasut tamarmik ulloq assut nuannisarfigaat. Arlaatigut Upernavimmut attuumassuteqaannaratik tamangajammik imminnut ilisarisimasariipput, peqatigiiffimmut ilaasortat ukiumut pingasoriarlutik katersuuttaramik, taamaattumik allaanngilaq ilaqutariinni nuannisaqatigiiginnartuniilluni, oqalugiartoqartarluni kalaallillu nerisassaataat, erinasoqatigiinneq immikkuullu toqqakkanut diplomisiassaqarluni. 

Odensemit kalaallit erinarsoqatigiit Umiaq aliikkusersuipput.

Kikkut tamat eqitaarput. Maannakkut pisut eqqartorneqarput kisiannili aamma qanga Upernavimmi pisarsimasut puigorneqanngillat. Ilaqutariit arlallit qulaajanerneqarput. Tassanngaannarli inunnut arlalinnut fiisti taamaatittariaqarpoq. Ungasissumit aggersunut aamma angerlamut aqqussua takisooq atoqqaagassaammat. 

Naapeqatigiinneq ineqartut peqatigiiffiisa illuutaasa ilaannit Odensep eqqaani ingerlanneqarpoq, peqataasut amerlavallaarneri pissutigalugu Kalaallit Illuutaanni ingerlanneqarsinnaanngimmat. 

Upernavimmiut tullissaannik naapissapput oktobarip arferngani Skanderborgimi.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER