Pilersuutit siulliit Uummannami nuannaarutigaat
Illoqarfimmiut ilaatigut naatsiiat paarnallu amigaatigisimavaat
Annonse
Marlunngormat RAL-p umiarsuaa "Pajuttaat" Uummannamut tikippoq nioqqutissanik pilersuutinillu nutaanik pajulluni, illoqarfimmiut sivisuumik qilanaarisimasaat.
Taamatut oqaluttuarput inuit videomi uani takusinnaasatit. Tassani ilaatigut Cafemma-mik piginnittoq Wilhelmine, oqaluttuarpoq nerisassanut allattorsimaffimmi nioqqutissanik peqqinnartunik neqerooruteqarsinnaaqqilernini nuannaarutigalugu.
"Pajuttaat" umiarsuarni siullersaalluni ukioq manna Uummannamut tikippoq.