Nioqqutissanik pilersuineq pillugu isumaqatigiissut

Namminersorlutik Oqartussat nioqqutissanik pilersuineq pillugu KNI A/S-imut nutaamik isumaqatigiissuteqarput

Namminersorlutik oqartussat KNI A/S'imik nutaamik kiffartuussinissamut isumaqatigiissusiorput. Assi: Sermitsiaq.AG
Paasissutissat assiliartarlu: KNI
Namminersorlutik oqartussat KNI A/S'imik nutaamik kiffartuussinissamut isumaqatigiissusiorput. Assi: Sermitsiaq.AG Paasissutissat assiliartarlu: KNI Namminersorlutik oqartussat KNI A/S'imik nutaamik kiffartuussinissamut isumaqatigiissusiorput. Assi: Sermitsiaq.AG Paasissutissat assiliartarlu: KNI Namminersorlutik oqartussat KNI A/S'imik nutaamik kiffartuussinissamut isumaqatigiissusiorput. Assi: Sermitsiaq.AG Paasissutissat assiliartarlu: KNI

Ineqarnermut, Attaveqarnermut Angallannermullu Naalakkersuisoqarfik siunissamut isumannaarisumik sullissinissaq pillugu KNI A/S-imut nutaamik isumaqatigiissuteqarpoq.

Ineqarnermut, Attaveqarnermut Angallannermullu Naalakkersuisoq, Jens B. Frederiksen taama tusagassiutinut allappoq.

Isumaqatigiissut nutaaq 2016-ip naanissaata tungaanut atuuttussaq nioqqutissanik pilersuinissamik pisiniarfinnillu ineriartortitsoqarnissaanik isumannaatsumik suleqataassaaq. Isumaqatigiissut innuttaasut akuutinneqarnerulernissaannut ammaassissaaq, taavalu nioqqutissanik toqqagassaqarnerulernissaannik pisisartunullu eqaannerusumik periaaseqarsinnaanermut isumannaarinneqataassalluni.

Suliissineq nutaamik iluarsaattoq
Sullissinissamik isumaqatigiissusiortoqarnerata malitsigisaanik pisiniarfinnik aaqqissuusseriaaseq nutaaq - pisiniarfeqariaatsinik assigiinngitsunik tallimanik - aaqqissuussiffiusoq, ammasarfiillu sivikinnerpaaffigisartagassaannut najoqqutassat nutaat, atuutsilissapput.

Ullumikkut pissutsit assigalugit pisiniarfiup qanoq aaqqissugaanissaanut innuttaasut qanoq amerlatiginerat aalajangiisuutinneqartassaaq. Pisiniarfiit nutaamik ima aaqqissuunneqassapput, Pisiniarfiit assigiinngitsut tamarmik tunngaviusunik nioqqutissaateqartassapput. Tunngaviusumik nioqqutissat tassaapput nioqqutissat pisiniarfinni pinngitsooratik pigineqartussat. Siusinnerusumut sanilliullugu allaanerussutaassaaq takuneqarsinnaasussamik nioqqutissat assigiikkuutaat qanoq amerlatigisut pigineqartussaanersut, assersuutigalugu marmeladit assigiinngitsut qanoq amerlatigissanersut.

- Innuttaasulli ilarpassuisa Namminersorlutik Oqartussat sullissinissamik isumaqatigiissut aqqutigalugu isumannaarsimasaannit amerlanerusunik nioqqutissaqartarnera maluginiarsinnaasarumaarpaat, Jens B. Frederiksen oqarpoq.

Aaqqissuusseqqinneq pinngitsoorneqarsinnaanngitsoq
- Tamatuma saniatigut sullissinissamik isumaqatigiissut nutaaq atorlugu innuttaasut akuutinneqarnerulernissaat isumannaarneqartussanngorpoq - tassa pisiniarfinni siunnersuisoqatigiit pilersiortorneqassammata. Pisiniarfinni siunnersuisoqatigeeqartarnera KNI A/S-ip pitsaasumik misilittagaqarfigaa, taamaattumik taamatut aaqqissuuseriaaseqarneq pisussaaffinngortinneqarpoq. Taamaalillutik innuttaasut pisiniarfimminni assersuutigalugu marmeladit, tiit allallu qanoq ittut pisiassaatigineqassanersut aalajangeeqataaffigisinnaanngussavaat.

- KNI A/S-ip qarasaasiakkut pisiniarfittaava – pisisa.gl – nioqqutissat pisiniarfitsigut aqqusaartorluarnerulernissaannik aamma kinguneqartitsissaaq. Pisiassat assigiinngisut amerlanerusut assigiinngiaarnerusullu innuttaasut toqqarsinnaalissavaat. Taamaalillutik innuttaasut pisiniarfimminni soqarnersoq kisiiviat aalajangiitikkunnaarlugu pisiassat sorlerpiaat pisiarerusuttarnerlugit namminneerlutik aalajangersinnaanerusalissavaat. Qarasaasiakkulli pisiniarfiup pilersinneqarneranut ingerlanneqarnissaanullu Namminersorlutik Oqartussaniit aningaasanik tapiissuteqartoqanngilaq, Jens B. Frederiksen nassuiaavoq.

Taamaalilluni isumaqatigiissut nutaaq innuttaasut sunniuteqaqataanissaannut nioqqutissanillu pisiarerusuttakkaminnik pisisarsinnaanissaannut isumannaarinneqataavoq. Tamanna anguneqarpoq nioqqutissanik pilersuisoqartussaanerata tungaatigut isumanaarinninniarnermut atatillugu pilliuteqarnertaqanngitsumik.

Eqaallisaaneq
- Ineqarnermut, Attageqarnermut Angallannermullu Naalakkersuisusoq, Jens B. Frederiksen, ima oqarpoq: ”Sullissinissamik isumaqatigiissut aqqutigalugu aningaasatigut killissaritaasut atorlugit sullissinissap pitsaanerpaaffigisinnaasaa anguarput. Isumaqatigiissut aqqutigalugu eqaannerusumik periaaseqartoqarsinnaanissaa pisiniarfinnilu siunnersuisoqatigiiliortitertoqarnissaa isumannaarparput.

Sullissinissamik isumaqatigiissut pillugu Namminersorlutik Oqartussat KNI A/S peqatigalugu innuttaasunut matumuuna sullinneqartussanut paasititsiniutinik suliaqartitsiniarpoq.

Powered by Labrador CMS