Skip to main content

S: Naalakkersuisooqatigiit nunaqarfiit inuerussalerpaat

- Naalakkersuisooqatigiit innuttaasut inuttut isiginagit normutut isigiinnarpaat, Per Berthelsen Siumut oqarpoq

- Naalakkersuisooqatigiit sunarpiaq siunertarinerlugu ersersippaat.

Taama aallartippoq Siumup politikkikkut oqaaseqartartua Per Berthelsen ineriartorneq pillugu - imalunniit ineriartunnginneq pillugu - oqallisissiami uani.

Paasilluarneqarnissaa anguniarlugu tamakkiisoq saqqummiutissallugu toqqarparput:

”Naalakkersuisooqatigiit nunaqarfinnik inuerussaaniarnerat maanna erseqqissilluinnarpoq.

 

Naak Ineqarneq pillugu politikkimik nassuiaammi sapaatip akunnerata tulliani Naalakkersuisunit saqqummiunneqartussami allassimasut tamarmik akerlerineqarsinnaanngikkaluartut, nassuiaat aamma soqutigittaatsumik isiginneriaatsimik nunani kisermaassillulni sakkortuumik ingerlatsiviusuni periuserineqartartunik imaqarpoq.

Siumup inoqarfinni aningaasaqarnikkut siuariartorfiunngitsuni nutaanik inissialiortoqartarunnaarnissaanik oqariartuuteqarneq aarlerinartutut isigaa.

Oqariartuuterpiaq qiviassagaanni tamanna pissusissamisoorsorineqarsinnaagaluarpoq, taamaattorli itisilerlugu qissimikkaanni taamatut isiginninneq isavoq, matumanimi aningaasamik taamaallaat ukkissilluni innuttanik inuttut kinaassusilittut isiginneriaaseqarnani kisitsisaannartut naalakkersuisut isiginninertik nalunaarusiami ersersimmassuk, tamannarpiaavorli Siumup politikkikkut inunnik isiginneriaasianit sakkortuumik allaanerulluinnartoq. 

 

Innuttaasut nalikinnerusut

Matumanimi taamatut nalunaaruteqarneq inunnut pineqartunut uivertitsissanngippat aningaasaq kisiat ukkinnagu pissutsit assigiinngitsut amerlaqisut tamaasa immikkut eqqarsaatigineqartariaqarput, taamatummi politikeqarnermi nunaqqatit ilaat inuttut nalikinnerusutut inuiaqatigiit akornanni inissinneqarmata.

Siumup siuliani oqariartuut eqqarsaatersuuteqarfigalugulu oqalliseqataaffigissaguniuk amerlaqisunik akissutissarsiffigerusutaminik apeqqutissaqarpoq. 

 

  • Iliuusissat suut inuit nunaqarfinni innuttat pinngitsaalilluni nuunniarneqartut amerlaqisut nuuffissaattut  pilersaarutigineqarpat?
  • Inuiaat peqqissunissaannik anguniagaqarneq matumani sumiippa?
  • Nunaqarfinni illut angissutsimikkut killeqarneri, taamaalillutillu kinguaariinnik amerlasuunik najugaqarfigineqarsinnaannginneri pissutigalugit amerlasuunik inissarsiortoqarnera ilisimavarput, taamatummi najugaqartarneq aamma peqqinnartuunngimmat.Taamattaaq aamma ullumikkut illunit aserfallassimaqisunit pitsaanerusunik najugaqarnissamut pisariaqartitsisoqarnera ilisimavarput.
  • Innuttammi piffinni taamaattuni najugaqaannarnissamik kissaateqartut qanoq iliussappat?
  • Oqariartuutigineqartutut nutaanik sanaartornermik unitsitsineq innuttat ilaannik assigiinngisitsinerussava?
  • Ilami allaat naalakkersuisooqatigiit nunaqarfinnut politikissatut kissaatigisaat nunatsinni nunap immikkoortukkaarlugit ingerlatsinissamut sunniuteqassanersoq apeqqutigisinnaavarput. Matumani Canada assersuutitut qiviarsinnaavarput, tassanimi nunap immikkoortuanik politikkimik ingerlatsinermut atatillugu nunaqarfiit attatiinnarniarneqarput (ilaatigut Aujuittuq (Grise Fiord)).

Aap Siumut Naalakkersuisut sapaatip akunnerata tulliani ineqarnermut politikki pillugu nassuiaammik saqqummiussinissaannut atatillugu siunertaqartumik oqalliseqataanissamut peqataassaguni akissutissarsiffigerusutamik amerlasuunik apeqqutissaqarpoq.

Tamatumalu pinissaata tungaanut piffinni aningaasaqarnikkut siuariartorfiunngitsuni nutaanik illuliortarnerup unitsinnissaanut oqaariartuutigineqartut aallaavigalugit ima apererusupppoq: ”Piffinni nutaanik illuliorfigineqarusukkunnaartuni aningaasarsiornikkut siuariartoqarsinnaava?”, Per Berthelsen allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER