Skip to main content

Amaliep Larsip ernera sorsuutigaa

Lars Svendsen piffissami aggersumi Nuummi ilisaassaaq. Larsip peerarisimasaa Kalaallit Nunaannut angerlarusuppoq tamaani inuuneq nutaamik aallarteqqinniarpaa  

Lars Svendsen apriilip 14'ïanni unnuakkut Aalborgimi tammaaneqalersoq maajip arfineq-pingajuanni ipisimasoq Limfjordenimi nassaarineqarpoq, timaa umiarsuarmik Nuummut maajip 29'anni tikiunneqassaaq. Tamatuma kingunitsiaa ilaqutariit ilisinissaminnik aaqqissuussissapput.

Lars Svendsenip Amalie Krogsgaard peerarinikuuaa marlunnik ukiulimmik erneqarlutik Nuunu. Amalie aamma Markus soorunami Nuummi naggammik inuulluaqquseqataarusupput. 

Amaliep Kalaallit Nunaannut timmisartumik maajip 31'anni angalanissaa akilerumaneqarsimavoq, kisiannili nalunaarfigineqarsimalluni billitsip akia naafferartumik akilersussagaa suliffissaaleqisutut aningaasarsiarisartakkani amerlanngikkaluit ilanngaaffigisittarnerisigut. Aalborg Kommunemi inunnik isumaginnittup saffiginniffigisartakkani aqqusaarsimavai maannalu inerniugallartoq naapertorlugu Amalie aamma Markus maajip 31'anni timmisartornissaannut aki tassa naafferartumik utertittariaqassavai.  

 

Nunatsinnut angerlarusuppoq

Amalie aamma Markus Kalaallit Nunaannut angerlarusupput - siullermik Nuummi ilisinissamut peqataallutik kingornali Sisimiunut anaanatut kisermaatut ilinniakkamillu aallartitsilluni inuunissamut. Naqqaniit aallartilluni. 

Facebookimi ikinngutigiit ilaat, Amalie aamma Markusip ikiorneqarnissaannut katersinermik namminerisamik aallartitsisoqarpoq. Ikinngutaanerupput kammalaatillu taakkua aamma namminneq pissaqarpallaanngikkaluit. Kisianni amerlalluni ikioqatigiikkaanni pissarsiassaq allinerusarmat neriuutissaqarpoq, ikinngutit kammalaatillu 5.000 koruuninik katersisimalereerput. 

Facebookimi katersinermik aallartitsisoq tassaavoq Malou ”Ilaana” Nielsen. Taama katersinissaq aallartiinnartorli politiit apeqquserpaat, akuersaarluguli ikinngutigiit "matoqqasumik" katersinerimmassuk taamaammat ajunngitsoq. 

- Naak qimannikuugaluarluta marluulluta pingaartissimavarput Markus pillugu ataqatigiittuarnissarput, aamma Larsip sapinngisani tamaat atorlugu ernini maannakkut marlunnik ukioqalersimasoq ilaginiartarsimavaa, Amalie oqaluttuarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER