Skip to main content

Nauja: Inuulluataartoqanngilaq

Nauja Lynge Lyngesen - suliffeqarfik eqalussualerisoq The Greenland Company aallarnissoq - naapertuilluanngitsumik pineqarsorivoq. Aningaasat tunniunneqartut inuulluataarnermut atorneqanngillat, taanna naqissusiivoq 

Suliffeqarfik eqalussualerisoq The Greenland Company pisortanit 1 million koruuninik taperneqarpoq. Aningaasat inuulluataarnermut atorneqanngillat, suliffeqarfimmik pilersitsisup aappaa ilusilersuisartoq Nauja Lynge Lyngesen oqarpoq.

AG siusinnerusukkut allaaserisaqarpoq 90.000 koruunit nalinginut timmisartorlutik Kina'mi pisisartuusinnaasunik ataatsimeeqateqariartorlutik angalasimasut.

Ilumoorpoq Kinamut akisunermut ilaalluta angalasugut, tassungali pissutaavoq allanik inissaqanngimmat tassanngaannartumik Kinami pisisartussatsinnik ataatsimeeqateqariartuleratta. Taamaattoq pappiaqqat takussutissatut tunniussatsinni akikinnermi ilaanermi akissaagaluaq tunniupparput, Nauja Lynge Lyngesen oqarpoq.

Aamma atuaruk "90.000 koruunit nalinginut akisunermi timmisartortoq"

Taanna isumaqarpoq aalisarnermut, piniarnermut nunalerinermullu pisortaqarfiup - pisortat sinnerlugit suliffeqarfimmik tapersersuisoq - The Greenland Companyp unammillertaasa sakkortunersarileraat pissutigalugu pisortaqarfiup uppernarsaatinik nutaanik piumasaqartaqattaarnera naak aningaasat tunniunneqarnerinut piffissaq sivisooq qaangiutereeraluartoq. 

- Uanga isumaga naapertorlugu kanngunartuliortut annersaraat pissutigalugu Kalaallit Nunaanni suliassaqarfimmik nutaamik pilersitsiniarnermik ipisitsimmata, Nauja Lynge Lyngesen oqarpoq.

Nauja Lynge Lyngesenip nammineerluni pisoq pillugu oqaluttuaa AG'mi pingasunngornermi saqqummersussami atuaruk. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER