Skip to main content

Inissianik attartortut: Kikkut akiliissagamik?

Malik Berthelsen, Siumut attartortuunermiit piginnittumut periarfissaq malillugu inigisaminnut pisiniartunut aningaasat ingerlarngat paasisaqarfigerusuppaa  

- Inissiani Pisortat pigisaanni ineqarnerminnut akiliineq ajortut akiliutissaralui Pisortanit isertitassatut annaaneqartut, immikkoortortami najugaqataannut (boligafdeling) akiligassanngortinneqartarneri Naalakkersuisunit pissusissamisoortutut isigineqarpa?

- Attartortuunermiit piginnittumut periarfissaq malillugu inigisaminnut pisiniartunut teknikikkut pitsaassuseq (teknisksværdi) atorunnaarlugu niunermi akigitinneqartup (markedsværdi) atuutilersimanera pisinianut qanoq sunniuteqarsimava?

Taama nipeqarput Malik Berthelsen, Siumut paragraf 37 aqqutigalugu naalakkersuisunut apeqqutaat.

- Ineqarnermut peqqussut malillugu inigisaminnut akiliineq ajortut akiliutissaralui annaaneqartut, najugaqarfimmi najugaqartunut allanut akiligassanngortittarnissaat peqqussutaavoq. 

- Naalakkersuisut isumaqarsimagunik teknikikkut pitsaassutsimik naliliineq illoqarfigisami niunernernikkut akigitinneqartumiit (markedsværdi) akisunerusinnaasoq, tamatumunnga tigussaasumik uppernarsaasoqarnissaa kissatigissavara. Tassami illu/inissiaq teknikkikkut pitsaavallaanngitsoq niunernikkut akigitinneqartut atorneqarnerat pissutigiinnarlugu illut akissartik qaangerlugu akilersinniarneqartarsimanissaat takorloorneqarsinnaavoq, Malik Berthelsen tunngavilersuivoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER