Skip to main content

Aleqap kukkunersiuisut nalunaarutaat takorusuppaa

 Inatsimmik tunuliaqutaqarani 3,8 million koruunit atorsinnaagaanni taava minnerpaamik nalunaarummik takusaqarnissaq piumasaqaataasariaqarpoq, Aleqa Hammondip Siumumeersup peqqinnissaqarfimmi pisortaanerit aningaasarsiat siumoorutaat pillugit isumaqarpoq

 

Peqqinnissaqarfimmi pisortat siumoortumik aningaasarsiaat pillugit oqaatsit kingulliit oqaatigineqanngillat. Qilaliarfissuarmi Sermitsiaq.AG allaaseraa peqqissutsimut naalakkersuisup Agathe Fontainip naqissuseraa, pisortat aningaasarsiaat pillugit tusagassiiviit aqqutigalugit oqallinnissaq pissusissamisuunngitsoq inunnut ataasiakkaanut tunngassuteqarmata.

Aleqa Hammond, Siumut siulittaasoq, paragraf 37 aqqutigalugu kingumut apeqquteqaateqaqqippoq: - Peqqinnissaqarfimmi pisortaanerit soraasitaanerat pillugu qaqugu Inatsisartut tamakkiisumik nalunaarusiamik naatsorsuutigisaqarsinnaanersut?

- Akissuteqaatisinni allappusi, illumi nammineq aamma Deloitte kukkunersiuinerini nalunaarut naammassineqareersoq. Taanna Inatsisartuni takunngilarput kisianni Sermitsiaq.AG aqqutigalugu paasitinneqarpugut.

- Inatsisartunut ilaasortatut kissaatigaarput suliat pineqartut pillugit paasitinneqarnissarput, Inatsisartut aamma soqutigisaraat kukkunersiuisut nalunaarutaat pillugu Naalakkersuisut nalunaaruteqarnissaat.

- Ilumoorsinnaanngilarmi 3,8 million koruunit inatsimmik tunngaveqarani atorneqarsimappata paasissutissamik ataasinnguamilluunniit Inatsisartunut ilisimatitsisoqanngimmat, taannali Inatsisartuni paasissutissiinnginneq Sermitsiap pissarsiarisinnaavaa, Aleqa Hammond Siumut siulittaasuat tunngavilersuivoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER