Skip to main content

SIK aamma GA erseqqissaavigineqarusupput

Nunatsinni sulisoqarnikkut suliniaqatigiiffiit naammagiinnarsinnaajunnarpaat Naalakkeruisunit ullut tamangajaasa allanngorartuartumik nutaamik nalunaarutinut isummersornissartik. Nalunaarutit samnmiveqanngitsut – sumit isummertoqarnera maliinnarlugu

Qaqutigooqaaq SIK aamma GA ataatsimoorlutik tusagassiivinnut nalunaaruteqaqatigiittarnerat, tamatumuunali sulisut sulisitsisullu peqatigiiffii ima qulequtserlugu allaqatigiipput:

- Naamminersorlutik Oqartussat suliffeqarfissuarnut tunngatillugu politikkiat sammivissaaleqivoq   

Sermitsiaq.AG oqaaserineqartut tamaasa ilanngullugit tusarliivoq:

...Kingullertut tusagarput tassaavoq inuussutissarsiornermut aatsitassanullu naalakkersuisoq, Ove Karl Berthelsen, radioaviisimut maajip 17-ianni oqarmat qanoq paasinninneq apqqutaassasoq Alcoap aatsitsivissaani sulisut  - kiniiserit - qanoq akissarsiaqartinneqarnissaannik aalajangenissatsinnut.

Taama oqaaseqaateqarnermigut Ove Karl Berthelsenip Naalakkersuisuni siulittaasuni akerlilerpaa, taassumami tsagassiuutit aqqutigalugit  maajip allaqqaataani erseqqissarmagu Nunatta akuerisinnaanngilluinhnaraaa sulisartut atukkamikkut annikiillisaaffigineqarnissaat. Taannaannaanngilarli. Ove Karl Berthelsen immninut akerlilerportaaq – suliffeqarfissualiornissammi pillugit majip qulinganni oqallinnermi Naalakkersuisut oqaasii killormut saatikkamigit.

Ila aaja, politikkikut paatsiveerulluinnarneq suli erseqqissisaraaq. Inuussutissarsiornermut Naalakkersuisoq partiimini Naalakkersuisunilu siuiittaassunit partiillu oqaaseqartartuanit allaanerusumik isumaqarnerpa?

Taamaassimassappat naalakkersuisoqatigiit isumarput malillugu naluaat tassunga atatillugu qanoq iliornissartik – aqussinnaannanaguluunnit namminneq saqqummiussaminnut qanoq isummernissartik. Imaassimasinnaavaluunnit suliffeqarfissuit pillugit saqqummiussinertik suli isummerfigvissimanngikkaat? Tamanna ilumoorsimappat ernummatigaarput politikkikkut naammattumik ilumut aalaajangiissuseqartoqarsinnaanersoq Nunastinni siunissami ineriartortitsinissamik tamatta neriuutigisatsitut pilersitisinnissaasumik.

 

Oqallikkusunnaqaaq, kisiannili …

SIK-mit GA-millu isigalugu nuannaarutigaarput suliffeqarfissuarnik taasat pillugit kiisami oqallittoqalernera. Pisariaqaqaarmi. Taamaakkaluartoq partiit naalakkersuisoqatillu akunnerminni qanoq isumaqatigiinngissuteqartiginerminnik avammut nalunaarutaasigut uppernarsarneqartoq ernumanarpoq. Ernumanaatigaa Naalakkersuisut sinnerlugit nalunaarusiortoqarsimammat naalakkersuisoqatigiit akunnerminni isumaannut tulluarsagaasimagunanngitsumik.

Taamaattumik qinnutigissavarput Naalakkersuisut mannakkut tassunga atatillugu erseqqissumik nalunaarnissaat. Pisariaqalerpormi.

Maluginiaqqussavarput Nunatsinni suliffeqarnermut atatillugu suliffeqarfinni sulisunillu Nunatsinni angerlarsimaffeqanngitsuni pissutsinut akuliussinnaannginnatta, taamalu ilaasortarinngisavut sinnerlugit sunnilutilimmik sullissinnaanata.

Suliffeqarfissuit pilersinneqarnerinut atatillugu avataaniit suliartortussatut naatsorsuutigisinnaasatsinnut, taamatuttaaq akissarsiaqartitaanerannut, tunngasut Nunatsinni sulisoqarnikkut illuatungeriit kisimiillutik aaqqiivigisinnaanngilaat. Akerlianik Naalakkersuisut Inatsisartullu peqataasariaqarput maani nunami akissarsiarititavut tunngavigalugit inatsisiliornikkut aalajanersanissaminnut.

Erseqqissartigu suliffeqarfissuit sanaartorneqarnissaannut atatillugu Inatsisartunut siunnersuummut missingersuut paasigatsigu pilersaarutinut tamanut – taamaluu amma Alcoamut – atuuttoq.

Apeqqummut taama aalajangiisuutigisussamut Naalakkersuisut ersqqissumik paatsuugassaanngitsumillu isumminngippata tupigisariaqanngilaq innuttaasut oqallinnermut maannakkorpiaq pisumut paatsuungassappata.

Politikkerit akunnerminni isumaqatigiinnginnerat immaqa paasisassaavoq tunngaviusumik oqaluuserisimanngisaannarmassuk inuttut atugassarititaasut annikillisarnerat qanoq paasisariaqarnersoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER