Skip to main content

Aaqqissuusseqqinneq pingaarutilik kinguartinneqarpoq

Imermut nukissiornermullu akinik aaqqissuusseqqinnissaq pillugu suliffeqarnermi suleqataasunut oqaloqateqarnissamut piffissaqarnerunissaq Naalakkersuisut kissaatigaat

Imermut nukissianullu akeqartitseriaatsip allanngortinneqarnissaa pillugu Inatsisartut aalajangiiffigisassaatut siunnersuut Inatsisartut siulittaasoqarfianut tunuartillugu Naalakkersuisut nalunaaruteqarput.

- Suleqatigiit pingasuulluta oqallinnitsinnut peqataasut nukissiornermik aaqqissuusseqqinnerup sunniutissaanik oqallinnissamut piffissaqarnerunissamik kissaateqarnerat naammassiniarlugu, Naalakkersuisut tungaanniit  kissaateqarneq immikkoortup tunuartinneqarneranut tunngavigineqarpoq. Tamatuma saniatigut aaqqissuusseqqinnissap kinguartinneqarneratigut, amerlasuunut pisortatigoortumik tusarniaanissaq pitsaanerusumik piffissaqarfigineqalissaaq, Inatsisartut upernaakkut ataatsimiinnerannut atatillugu piffissamut killeqartitsineq pissutigalugu tamanna ajornartussaagaluarmat, ineqarnermut, attaveqarnermut angallannermullu naalakkersuisoq  Jens B. Frederiksen nassuiaavoq.

- Nukissiuutinut akit aaqqissuuteqqinneqarnissaannut amerlasuut isumaqatigiinnissaannik angusaqarnissarput pingaaruteqarpoq, aaqqissuusseqqinnissaq inuiaqatigiinnut annertuumik sunniuteqartussaammat. Tamanna pissutigalugu suliffeqarnermi suleqataasut oqaloqatiginissaannut, aammalu tunngavissamik ataatsimoortumik nassaarnissatsinnut piffissaqarnerunissarput kissaatigaarput.

Aaqqissuusseqqinnissamik suliaq sivisuumik ingerlanneqarsimavoq
Nunap Karsiata tapiissutinit, ullumikkut akit annerpaaffissaat aammalu aalisakkerivinnut immikkut ittumik appasitsinneqartunik akeqartitsinerit aqqutigalugit innaallagissamut imermullu akiliutit appasinnerunissaannut tapiisarnermut atorneqartartunit, ukiumut 10 million koruunerpianik sipaagaqarnissamik Inatsisartut aalajangernerat tunngavigalugu aalajangiiffigisassatut siunnersuuteqartoqarpoq. Maanna akit ilusaat, ikaarsaarnertut aaqqissuussinertut atorneqartut, 2009-mi atorunnaartussatut siunniunneqartut atuutilermatali, aaqqissuusseqqinnissaq piffissami sivisuumi eqqartorneqarsimavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER