Skip to main content

IA: Illoqarfiit anginerit avataanni ineriartortitsisoqartariaqarpoq

- Illoqarfiit anginerit ineriartornerat akuersaarparput, pisariaqavitsitavulli perusukkaluarlugit, IA’meersoq Isak Hammond allappoq

- Nunatta ineriartornikkut akisuumik ingerlatsiffiunera ilisimalluarparput, taamaattumik naammagittarsinnaassuseqarpugut tamannali killeqalersarpoq.

Taama Inuit Ataqatigiit sinnerlugit Inatsisartunut ilaasortaq Isak Hammond oqallisissiami matumani allappoq.

- Partiit ataasiakkaat tamanna pisuussutiginngilaat, Nunarpullu isorartoqaaq, nunarsuarmilu ineriartorneq illoqarfissuarnut nutsernermik annertuumik pisoqarfiusoq ilisimavarput. Imaanngilaq taamaallaat Nunatsinni nutserneq ingerlanneqartoq, nunani ineriartortorni ilinniarluarsimasut Illoqarfissuarnut angisuunut aningaasarsiornikkullu ingerlatsiffiulluartunut ullut tamaasa nutsertuarput, pissaqarusukkamik ineriartorfiusuneerusullutillu.

- Tamanna atugarissaarusunnermik peqquteqarpoq, avatangiisit eqaatsumik periarfissiisut pillugit taama iliortarput, inuillu siuariartornermik anersaallit imminnut ikioqatigiilersarput, nunarsuarmi killeqarfiit arriitsumik nungukkiartorput avissaarsimaniarnerlu inissaaruttussaavoq, Isak Hammond allappoq.

Ineriartorneq pisariaqartoq
- Nunarput ukiorpaalunni ullumikkutut ingerlareersimalerpoq, annerusumillu tamanna isornartorsiorneqarneq ajorpoq, ineriartornermi taamatut ingerlasoq unitsinniarneqarsinnaanngilaq.

- Ullumikkut utoqqartatta angumerisaminni ineriartorneq allarujussuaq misiginikuuaat, angajoqqaatta nalaataat sakkortusimapput, uagut peqataarusuppugut, kinguaassavut pitsaasumik ilinniarluarsimanermik  nunarsuarmioqataanermillu misigitikkusullugit. Illoqarfinni annerni ineriartorneq, nunarsuarmilu pissutsinut atuuttunut allaaneruallaanngitsumik atuuttariaqarnerat pisariaqarluinnartoq ilisimavarput, tamannalu akuersaarparput. Kisianni Nunatta ilarujussua aningaasarsiornikkut imminut pilersorsinnaangaluarpoq, aningaasaliissutit inuttussutsinut, imaluunniit sumiiffinnut  assigiinngitsunut agguataagaasimasuuppat, Isak Hammond erseqqissaavoq.

Illoqarfiit annerit avataanni

- Piviusorli mannaavoq Qaqortoq, Nuuk, Sisimiut, Ilulissat illoqarfinnit allanit pingaarnerusunngorlugit ineriartortinneqarnerat sakkortuvoq ukiuni qulikkaani kingullerni ingerlarsoreersimasoq.

- Tamatuma avataani inissisimasut, naammagittartussiaannaavugut, ineriartornermullu maleruutiinnartussiaalluta.  Nunap aningaasatigut isaatitsissutai oqimaaqatigiissumik atorneqanngillat, suminngaanneerfii pingaartinneqanngillat, pisariaqartitsivinnerluunniit tunuarsimaarfigineqarpoq. Ajoraluartumilli ukiorpassuarni taamaareerpoq, nalunarporli qanoq sivisutigisumik suli taamaassanersoq.

- Illoqarfiit ataasiakkaat talittarfinnik pisariaqartitsipput, nunaqarfippassuit talittarfeqarnermikkut ajornartorsiornerat aaqqiivigineqartariaqalerpoq.  Pisariaqartippavut talittarfiit, taamaammat tamatuma tungaatigut pisariaqartitanik iliuuseqartoqarnissaa kissaatigineqaannarsinnaanngilaq, naammassineqartariaqalerpoq. Ukiulersukkanik pilersaarutinik takuneqarsinnaasunik pisariaqartitsivugut, naatsorsuu-tigisinnaasatsinnik qaqungu talittarfittaarsinnaanerput pillugu, Isak Hammond allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER