AG sapaatip-akunnerani matumani saqqummersoq
AG sapaatip-akunnerani matumani saqqummersoq nunamut tamarmut ingerlaarpoq. Aviisi piffissami matumani tusagassiortumik Illoqqortoormiuniititaqarpoq, tamannalu AG-mi maanna saqqummersumi takuneqarsinnaavoq
Annonse
AG normu 20-mi ilaatigut makkua atuarsinnaavatit:
- “Illoqqortoormiuni siunissamut ernumasut” - Illoqqortoormiut inuerussarneqarnissaat politikerit eqqarsaatigigamikku? Illoqarfimmi mikisumi innuttaasut 500't akornanni aarlerineq malunnarpoq
- ”Ineriartorneq inuerukkiartornerluunniit” - Borgmester Asii Chemnitz Narupip nalunaarutai Illoqqortoormiormiut paasiuminaatsippaat
- “Siornatigut borgmesteri: Illoqqortoormiuni toqussaanga” - Ane Sofie Hammeken Ilulissani inunngorpoq alliartorlunilu, inuunermili annersaani Illoqqortoormiuni najugaqarluni
- “Illoqqortoormiut by night” - Tunumiut silaarullutik aalakoortarnerat sumininnguillu pissutigiinnarlugit kamaattarnerat Kitaamiuni isummiutiinnagaavoq. Isummiutiinnakkalli tamakkua ilumoortortaqarpat? AG ́p aallartitaata unnuakkut qiimasuttut akornanni tamanna paasiniarpaa
- “Qanoq ilinngitsoq inuit affaat pualavallaalissapput” - Oqimaassuseq ataasiinnarmut ingerlavoq, tassalu qummut. Angutit oqimaappallaat siullermeersumik maanna arnanit amerlanerulersimanerat kisitsisini nutaani takutinneqarpoq. Nunaqarfimmiullu aamma puallariartulersimanerat takutinneqarluni
- Inuit: ”Niviarsiaq naggoreqaluni ilivinni naajumaarpoq” - Kim Kielsenip uummataani Siumup naasua aappalaartoq uummaarilluarpoq
Aviisi elektroniskinngorlugu pisiarisinnaavat maani: