Puisinniartunik tv-kut ilanngussaq DR-p ajuusaarutigaa
"Piniartut tapersersukkit"-mik akerliussutsimik takutitsinermut atatillugu canadamiut puisinniatartuinik, puisimik niaquatigut anaasillutik toqutsisunik, assilisatoqqat DR-p takutippai
Københavnimi Magasin-ip saavani "Piniartut Tapersersukkit"-mik akerliussutsimik takutitsinermut atatillugu maajip aallaqqaataani TV Avisen nalunaaqutaq 18.30 ilanngussaqarpoq. Ilisimaneqartutut puisinniartartuvut akerliussutsimik takutitsipput, pissutigalugu Magasin puisit amiinik kavassianik tuniniaasarunnaarmat.
- Ilanngussami assit 1970-ikkunneersut takutinneqarput, tassani canadamiut puisinniartartut puisimik niaquatigut anaallugu toqutsisut. Ilanngussaq isumaqalersitsivoq assit Kalaallit Nunaanneersuusut.
Kalaallit Nunaanni puisinniartartut tamatigut nungusaataanngitsumik piniartarput. Ilanngussap allamik isumaqalersitsinera ajuusaarutigaarput, DR allappoq.
Assit takukkit, assilisaqattaakkat 1: ”Piniartut tapersersukkit”"
Assit takukkit, assilisaqattaakkat 2i: ”Piniartut tapersersukkit”"