Suliffissaaleqisut amerlerujussuarput
Ilulissat illoqarfinnit suliffissaaleqinermit eqqorneqarnerpaajuvoq. Illuatungaani Sisimiut suliffissaaleqinermik eqqugaannginnerpaajulluni
Illoqarfinni suliffissaaleqisut ukioq manna apriilimi 3.274'iupput siorna taamaalinerani inuit 2.843 suliffissaaleqinermik eqqugaallutik.
Inuit suliffissaaleqisut 431 amerleriaateqarput, tamassuma assigalugu 15,2 procenti, sulisinnaasut amerlaqataat taamaaginnarnerat naatsorsuutigigaanni, tamannali Nunatsinni Kisitseqqissaartarfimmi kisitsisini nutaani takuneqarsinnaanngilaq.
Ilulissat illoqarfinnit suliffissaaleqinermik eqqugaaneq malunnarnerpaajuvoq. Inuit suliffissaaleqisut eqqarsaatigalugit aammali procentinngorlugu.
Ukioq manna apriilimi inuit siorna 2011'mi naleqqiullugu suliffissaaleqisut 198'inik amerleriaateqarsimapput. Suliffissaaleqisut 194'iniit 392'inut, amerleriaat procentinngorlugu 102.
Paarlattuanik Sisimiuni suliffissaaleqisut ikiliartorput, tamaani siornamut naleqqiullugu inuit 104'nik ikinnerit suliffissaaleqinermik eqqugaammata.
Nuummi suliffissaaleqisut ikinnerulerput.