Ukkusissami toqungasup timaa misissorneqassasoq
Toqungasup timaa Tussiarfissuarmi Nuup eqqaani nassaarineqartoq aatsaat misissorneqassaaq toqusut timaannik misissuisartoq Danmarkimeersoq tikippat
Toqungasumik timaanik Tussiarfissuarmi Nuup eqqaani Ukkusissami nassaarineqartumut atatillugu politiit paasissutissanik amerlanernik saqqummiussisinnaanngorput.
Nuummi politiini pigaartuusoq, vicepolitikommissær Henning Siezing, oqaluttuarpoq, politiit norskimit sisorariamit talermik apummi nuisasumik takusaqarsimasumit nalunaarfigineqarsimasut.
Taleq atisaqarpoq nalunaaqutaaraqarlunilu. Nassaarfigineqartoq Nuup Kangerluata Kangerluarsunnguullu akornanni qamuteralaat aqqutaata ungasinngisaaniippoq. Tamatuma kingorna suliassaq politiinit qatserisartunillu isumagineqalerpoq, toqungasullu timaa ippassaq sapaammi misissorneqartussanngorlugu Dronning Ingridip Napparsimmavissualiaanneqarluni.
Læs også "Politiet har ligsyn i eftermiddag"
Læs også "Død mand fundet ved Store Malene"
Toqungasulli timaanik suli misissuisoqassanngilaq, misissuinerup Danmarkimi toqusut timaannik misissuisartumit ingerlanneqarnissaa aalajangiunneqarsimammat.
Tamanna maanna utaqqineqalerpoq, Henning Siezing oqaluttuarpoq.