Skip to main content

Nunatta isiginnaartitsisarfia aallartilluarpoq

Nunatta Isiginnaartitsisarfiata siulersuisui isiginnaartitsisarfiup ukiumut 2011'mut nalunaarutaannik akuerseqqammerput  

Ukiumoortumik ataatsimiinnerminni, Nunatta Isiginnaartitsisarfiata siulersuisuisa naammagisimaarlugit akuersissutigaat ukiumoortumik nalunaarusiaq aamma 2011- imut naatsorsuutit.

- 2011 tassaavoq ukioq aallartisarfik, aallartilluarnissamullu akornusersuutit amerlasimaqaat. Siullermik Namminersorlutik Oqartussat atorfinitsiteqqusiunnaarnerannik Nunatta Isiginnaartitsisarfia eqqorneqarpoq, sulilersussat atorfinitsivinnissaannut sivitsorsaataaqisumik angerlarsimaffeerukkaluarnermik malitseqartumik, siulersuisut siulittaasuat Juaaka Lyberth oqarpoq.

- Taava allaffinni oquk ajornartorsiutaalerpoq, sivisuumik Kiisalu isiginnaartitsisartunngorniat atuarfissaata aallartinnissaa allaffissornikkut inissaaleqinikkullu peqquteqartumik 2012-imut kinguartittariaqarsimavoq. Naak 2011 aporfissaqarsimangaluaqisoq siulersuisut pisortallu Nunatta Isiginnaartitsisarfiata ukiuani siullermi, angusarineqartut naammagisimaarpaat”, taama oqarpoq siulersuisuni siulittaasoq Juaaka Lyberth.

Atuaruk "Aaku isiginnaartitsinermik ilinnialersussat siulliit"

- Aporfissarpassuaqaraluartoq isiginnaartitsisarfiup pisortai, isiginnaartitsisartui, teknikkikkut allaffimmilu sulisorineqartut nersornartumik naammagittarsimapput, sapiissuseqarlutillu sulerusussuseqarluarsimallutik Nunatta Isiginnaartitisarfiata aallartisarneqarnerani, Juaaka Lyberth erseqqissaavoq.

2011'mi isiginnaartitsinerit 52
Isiginnaagassiat sisamat, 52-seriarlugit nunatsinni tamani takutinneqarsimasut suliarineqarput, 5000-it missaannik isiginnaariarfiusunik, ilaat marluk KNR-TV-mut immikkut suliarineqarlutik. Aamma ukiup naalernerani isiginnaagassiat suli marluk suliaralugit aallartinneqarput 2012 aallartilaartoq takutinneqartut. Isiginnaartitsisartunngorniat atuarfissaat periareersarlugu aallartinneqarpoq, ilisimaneqalereersutullu 2012-mi ukiakkut aallartissaaq.

- Aningaasatigut angusarineqartut aamma siulersuisunit naammagisimaarneqarput. Ingerlatsinermut isiginnaagassiornermullu Namminersorlutik Oqartussat qujanartumik tapiissuteqartalernerisigut, allat aningaasaleeqataasarnerisigut, bilitseerniarnikkullu isertitanit Nunatta Isiginnaartitsisarfiata 6.37 mio. kr. ukiumini siullermi kaaviiaartippai, 141.600 kr-inik sinneqartooruteqarluni. Aningaasaqarniarnerput ajunngilluinnarpoq, tamannalu nuannaarutissavoq, Juaaka Lyberth oqarpoq.

 

Isiginnaartitsisarfiinnaanngitsoq
Isiginnaartitsinissat kisiisa nunatta isiginnaartitsisarfiata aallutinngilai aamma ”Fire and Mask"-workshop Nuummi aaqqissuuppat, Sverigemi ”Circus Art” suleqatigineqarneranik aallartisaataavoq.

Isiginnaartitsisarfiup KNR suleqatigalugu "Aliortukkat" nuna tamakkerlugu isiginnaagassiaritippaat. Tamatuma saniatigut ”Ataqqinartunnguaq” KNR'imi aallakaatinneqarnissaminut piareersarneqarpoq. 

201'mi siulersuisut makkunannga inuttaqarput:

  • Siulittaasoq: Juaaka Lyberth - Namminersorlutik oqartussanit toqqagaq
  • Siul. tullia: Arnajaraq Støvlbæk - Kanukokamit toqqagaq
  • Hans Anton Lynge - Kalaallit Atuakkiortunit toqqagaq.
  • Else Danielsen - Kaiskamit toqqagaq
  • 
2012'imi Ilannguaq Kleist ilaasortanngorpoq - sulisut toqqagaat

Allat

  • Isiginnaartitsisarfiup pisortaa Svenn B. Syrin isiginnaartitsisartut ilinniarnerannik pisortaq Makka Kleist.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER