Nunatsinnik ilisimasassarsiortoq nersorniarneqartoq
Forskningsprofessor Bjarne Grønnow, misileraalluni illukusiornermik aamma Kalaallit Nunaanni illukusiornermik ingerlatsinera pillugu angisuumik nersornaatisivoq
Bjarne Grønnow Kalaallit Nunaanni sumiiffinni amerlasoorpassuarni ukiorpassuarni angalasarnikuusoq manna Westerby-prisen pissarsiaraa, Danmarkimi illukusiortut akissarsiarisartagaasa annersaasa ilaat.
1983'imi Bjarne Grønnowip Qeqertarsuup Tunuani nunaqarfiusimasoq Qeqertasussuk nassaaraa. Tamaani attakuni Saqqaqkulturimeersunik nassaarput taakkua Kalaallit Nunaata inuisa siullersaraat. Nunaqarfiusimasumi nassaarineqartut immikkorluinnaq ipput, saarngit qisunnillu sanaat nunamit qeriuaannartumit aserfallatsaalineqarsimasut.
1999'imi Nationalmuseumiliartinneqarpoq tassani tunngaviusumik ilisimatusarnermik qitiusoqarfik Sila pilersinneqartoq pisortaaffigissallugu - Nationalmuseumip Kalaallit Nunaanni ilisimatusarnermik qitiusoqarfia Forskningsministeriet og Forskningsrådet for Kultur og Kommunikation aningaasalersorneqartoq.
Ataqqineqaqisoq
Bjarne Grønnow ilisimatusarnermik professoriusoq Silami sulisut siulersortigaat, Etnografisk Samlingimi suliassap The Carpenter-Meldgaard Endowment iluani, The Rock Foundationimit tapersersorneqarlutik. Taassuma suliassap siunertaraa attakusiuup Jørgen Meldgaardip Canadami aamma Kalaallit Nunaanni nunaqarfiusimasunit katersaasa suliarineqarnerat allaaserineqarnerallu.
Ilisimatusartut aamma suleqatit akornanni Bjarne Grønnow ataqqisaaqaaq nuannarineqarlunilu, piffissanngoraangat tapertaasarpoq ikiuukkumatullunilu.
Kristeligt Dagblad naapertorlugu Bjarne Grønnow Westerby-prisenimik tunineqassaaq 100.000 koruuninik nalilimmik Nationalmuseumip filmertarfiani maajip aqqarngani, tassunga iluatsillugu oqalugiaatigissallugu "Da Hvalros Ø var verdens navle - og andre arkæologiske eventyr i Grønland”.