Skip to main content

Seth sivisunerpaamik parnaarussaavoq

- Ullut arlaanni anisissagunarpaannga, Seth Sethsen 57'inik ukiulik oqarpoq. Taassuma misiligummik iperagaasinnaanerminik itigartitsissut tigoqqammerpaa. Seth Sethsen toqutsisimanini pillugu ukiut 27'ssaat Vridsløselillemi parnaarussaavoq

BT ullumi Seth Sethsenimik ilisarititsinermik allaaserisaqarput, taanna Statsfængsel Vridsløselillemi piffissami sivisussusiligaanngitsumik parnaarussaavoq. Ukiut 27'ssaat parnaarussaavoq - danskinit taannaalluni manna tikillugu sivisunerpaamik parnaarussaasimasoq.

Seth Sethsen danskimik ataataqarpoq kalaallimik anaanaqarluni Danmarkimi peroriartorluni. 1985'mi peqqarniitsorujussuarmik aalakoorluni paatsiveerusimaarluni toqutsisimasutut unnerluutigineqarpoq. BT'mi meeraanini pillugu oqaluttuarpoq. 

Bt'mut oqarpoq, ullut ilaanni anisinneqassagunarluni. Kisianni ilumoortoq aana, misiligummik anisinneqarnissamut itigartuartuartuuvoq. Kingullermik apriilimi 2012 itigarpoq.

BT'mi allaaserisasq tamaat danskisut uani atuarsinnaavat.

Mord i 1985'imi toqutsineq
Arfininngorneq oktobarip 19'iat 1985 taxanik ingerlatitsisoq 49-nik ukiulik Kurt Gaarn-Larsen, Albertslundimi Gammel Landevejimi amiilaarnartumik toqunneqarpoq. 

Arnap sikkilertup Kurt Gaarn-Larsen taxami aquutaata tunuani toqungalluni issiasoq naammattoorpaa, biilip motoria suli ingerlasoq. Politiit paasiniaasartuisa toqutsineq amiilaarnartoq misissuiffigaat 31'nik ukiulik Helge Seth Sethsen, tigusaraluguu, Kurt Gaarn-Larsenimik toqutsisimasutut unnerluullugu.

1986'imi Østre Landsret, Københavnimi eqqartuusseqataasoqartillug eqqartuussisoqarmat Helge Seth Sethsen inuunini tamaat parnaarussassanngortinneqarpoq Kurt Gaarn-Larsenimik toqutsisimanini pissutigalugu. Kingorna Seth Sethsen Nielseninngorluni atini allanngortippaa. 

Apriilimi 2012, toqutsinerup kingorna ukiut 26't ingerlareersut suli parnaarussaavoq, nakorsat pinerluttulerisartut isumaqarmata iperaraasagaluaruni inuttut pissusai ulorianaateqarsinnaasut.

Tamanna "Drabssager i Danmark" takuneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER