Toqutsineq sioqqullugu assortuuterujussuarneq
Arnap 45'nik ukiullip savimmik kapoorlugu toqunneqartup eqqaamiui Ekstra Bladetimut oqaluttuarput toqutsineq sioqqullugu assortuuterujussuartoqartoq
Rødegårdsvejimi inissiami assortuunnerit - Odensemi Politiit tallimanngornerup ullaavani arnamik kalaallimik 45'nik ukiulimmik toqutaasumi nassaarfigineqartumi - nalinginnaapput. Unnuarli ingasassimapput.
Taama oqaluttuarput toqutaasup eqqaamiui ekstrabladet.dk'mut.
Aamma atuaruk: Arnaq kalaaleq unnuaq toqutaavoq
Eqqaamiut itertinneqarput inuit pingasut taxamik tallimanngornikkut ullaakkut ineqarfimmut apuummata. Apuutiinnarlutik suaartaallutillu nillialereerput.
Arlallit niaqqutik igalaakkut anillatsillugit nipangersaallutik unitsitsiniarlutillu nilliapput, ekstrabladet.dk allappoq.
Arnap toqutaasup angut 31'nik ukiulik maannakkullu tigusaaqqasoq pissiaraa. Angutip saniatigut arnaq ikinngutaasoq 35'nik ukiulik aamma tigusarineqarpoq. Taakkua ullumi Svendborgimi killisiorneqassapput.