- Imaatigut sillimaniarnermi sukangasuunik piumasaqaateqaritsi
Taama kajumissaarivoq Per Stig Møller kalaallit danskillu politikkeriinut
Silap pissusaata allangoriartorneranit Nordvestpassagen isiginiarneqarpoq. Siornatigut nunanut allanut ministeriusimasoq aamma Ilulissani isumaqatigiissummik kunngeqarfik atsiortoq Per Stig Møller, Konservative, qanimut malinnaavoq.
Ippassaq Kalaallit Nunaanni aatsitassat Christiansborgimi ataatsimeersuassutigineqarneranni Per Stig Møllerip folketingimi politikkerit siunnersorpai imaatigut sillimaniarnermi sukangasuunik piumasaqaqqullugit.
Videoen "Per Stig: Når grønlænderne bliver stinkende rige..."
Kalaallit Nunaat nunat tamalaat imaatigut sillimaniarnermik kattuffissuani IMO, FN’ip ataaniittumi saqqumilaartumik sulisariaqarpoq. Umiarsuit iluleriinnik timitallit umiarsuilluunniit naqqisa issussusaat oqaluuserineqartariaqarput. Taama isumaqarpoq Per Stig Møller.
- Arctic Five suleqatiginiarsiuk piumasaqaateqarlusi sakkortuunik, piumasaqaatit sukangasuut soorlu umiarsuit qassit ingerlaqatigiissinnaanerat, umiarsuit timitaanut tunngasut aammalu sillimaniarnermut atortut naleqqulluinnartut, Per Stig Møller oqarpoq.
Naatsorsuutigineqarpoq umiarsuit amerliartuinnartut Nordvestpassagen aqqusaarlugu angalasalernissaat. Uuliamik akuutissanillu angallassinermi piumasaqaatit sakkortupput.