Skip to main content

Diskomi peqqinnissaqarfik napparsimavoq

Immikkoortortami pisortaq nalunaarpoq sisamanngornermi innuttaasunik ataatsimeeqateqariartorluni Qasigiannguit tikissallugit

Inge-Marie J. Rosing, Qasigiannguit naammatsittooqqavoq - taassuma qatsulluinnarpaa Kitaani peqqinnissap politikkerinit qatangiinnarneqartarnera. Taamaattumik peqqinnissami aqutsisut ammasumik allagaqarfigai, arlalinnik apeqquteqarfigalugit pissutsit arlallit allaaseralugit. 

Allagaq taanna ippassaq nassiunneqarpoq - ualimut Inge Marie J. Rosing oqaluttuarpoq, tusarsimallugu Qeqertarsuup tunuanut peqqinnissaqarfiup immikkoortortaqarfiani pisortaq Qasigiannguanut pingasunngorpat tikissasoq, innuttaasunik ataatsimeeqateqariartorluni. 

- Soorunami nuannaarutigaara taama sukkatigisumik allakkakka qisuariarfigineqarmata, maannakkorpiarli oqaatigisinnaanngilara, tikittussat qaqugorpiaq qassinullu tikissanersut - aamma qaqugu innuttaasunik ataatsimiisitsineq ingerlanneqassanersoq. Takkutissaqqaarpugut tikippata tikilluaqqussavagut, Inge-Marie J. Rosing Sermitsiaq.AG'mut oqarpoq. 

Inge-Marie J. Rosingip immikkoortortami pisortamut allakkagaq nassiussaq ima nipeqarpoq: 

"...Qasigiannguani innuttasut ulluni makkunani toqqissisimajunnaaqqapput. Paasivarput aasamut nakorsarput suliunnaartussanngortoq nalorninarluinnartumillu nakorsaleqqinneqarsinnaanerput inissisimasoq – pissarsisinnaanngikkaannilu suliartullattaaginnartunik nakorsalerneqartalissasoq oqallittoqarpoq. Aamma tupannaqisumik nivinngaavimmut nivinngarneqarsimasoq paasissutissaq tassalu 15. maj 2012 aallarnerfigalugu napparsimavitta silataaniit telefonbox-imiit Aasiaat napparsimaviannut nakorsiarluta sianertalissasugut nalunaaqutaq sisamap kingorna nakorsiassatilluta. 

 

Innuttaasugut kissaatiginngilluinnarparput nalunaaqutaq sisamap kingorna peqqissaaviup silataaniit telefonbox-imiit Aasiaat Peqqissaaviannut nakorsiarluta sianertalernissarput.

Der er sat en telefonbox udenfor Peqqissaavik således borgerne der skal til læge kan ringe til Aasiaat Peqqissaaviat. Aasiaat napparsimaviannut nakorsiarluta sianertalissasugut nalunaaqutaq sisamap kingorna nakorsiassatilluta. Ilaatigunngoq kisitsit takutimmassuk nakorsamik maani Qasigiannguani pisariaqartitsinngitsugut, qanoq taama pisstutsit innuttaasunut tunniunneqarsinnaappat – qanoq ililluni nalunartutigut pisut kisitsisitigut takutinneqarsinnaagamik – qanoq iliorniarpat pinartumik pisoqaraluarpat – allaat immaqa toqumik kinguneqartalernissaat toqqissimajunnaassutigaarput. Taamaattumik Qasigiannguani innuttaasut toqqissisimajunnaaqqasut kissaatigilluinnarpaat orninneqarlutik nassuiaanneqarnissartik. 

Innutaasut kissaatigaarput minnerpaamik marlunnik nakorsaqartariaqartugut imminnut tapertariissinnaasunik. Kissaatiginngilarput tikillattaaginnartunik nakorsalerneqartarnissarput.

 

Innuttaasugut kissaatiginngilluinnarparput nalunaaqutaq sisamap kingorna peqqissaaviup silataaniit telefonbox-imiit Aasiaat Peqqissaaviannut nakorsiarluta sianertalernissarput.

Innutaasugut kissaatigaarput peqqinnerulernissarput pillugut suliniutit assigiinngitsut aamma maani ingerlanneqartassasut, tassami maani Qasigiannguit Peqqissaaviannit inuttatigut allatigullu pissuteqartumik innuttaasunut paasititsiniaanerit sammisaqartitsinerillu univissisimasutut taaneqarsinnaammata tassani pissutigerpiarlugu sulisut piffissaqarfiginatalu nukissaqarfiginngimmatigut. 

 

Aamma oqallinneq ima ingerlavoq allaat nakorsat Qasigiannguanut perusunnginneranut pissutaasut ilagilluinnaraat kisimiittarnertik aammalu suliaminnut atatillugu ineriartoratik unikkaluttuinnartarnertik ernummatigalugu illoqarfimmut taama mikitigisumut nuunnissartik kissaatigineq ajoraat – taamaassimappat Peqqinnissaqarfik iliuuseqartussaagaluannginnerluni tamakkua pissutsit pakkersimalluinnarnissaannut?

Peqqinnissaqarfik sutigut Qasigiannguit Peqqissaaviat eqqarsaatigalugu qaammatini ukiunilu tulliutuni pilersaaruteqarpat?

Sulisut qassinik 2010-iimiilli ilanngarneqarsimappat taarserneqassappallu? Vagt-eqartarneq pillugu qanoq Qasigiannguit Peqqissaavianni inissimasoqarpa? Upalugaarsimaneq eqqarsaatigalugu sisamap kingorna iliuusissat qanoq ittut pigineqarpat? Qeqertarsuup Peqqissaaviata Qasigiannguillu Peqqissaaviata assigiinngissutsit suut pigivaat?

Peqqinnissaqarfiup nalunngikkaluarnerlugu ukiut tamarluinnaasat inuit 100 missarluinnaat Efterskoleriarlutik tikittarnersut? Peqqinnissaqarfiup nalunngikkaluarnerlugu Qasigiannguani Kalaallit Nunaanni suliffissuit annerpaartaat inunnik 160-inik minnerunngitsunik sulisoqartartoq inissimasoq aammalu ilaatigut navialiffiusinnaasartoq?

Apeqqutit ima ittut paatsiveerusimaarnermik imallit pillugit Qasigiannguani innuttaasut kissaatigaarput orninneqarluta pittaasumik sukumiisumillu oqaloqatigineqarnissarput nassuiaanneqarnissarpullu kissaatigaarput. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER