Skip to main content

Tumit nutaat pilersinneqarput

Sapaammi kalaallit filmiliaannik Berlinimi takutitsineq ulloq kingullersaanni takutitsinermi filmigassaqaqaaq 

Filmit marluk "Hinnarik Sinnatunilu" aamma "Qaqqat Alanngui" takutitassaralugit, Tumit Productions Berlinimi Greenlands Eyes-filmfestival ingerlanneqartoq peqataaffigaat.

- Filmit marluk Tumit Productionimeersut festivalimut ilaasussatut toqqarneqarsimapput pissutigalugu kalaallit filmiliarisartagaannik allanngortitsimmata, festivalip pisortaa Ivalo Frank sooq taakkorpiaat takutinneqarnerinnut nassuiaavoq. Kalaallit Nunaata quiasaarusiornmerik filmia aamma Kalaallit Nunaata ersinartuliatut filmiliaata siullerpaaq.

- Filminik toqqaanermi kikkut filmiliorsimanersut isiginiarneqanngillat, kisianni Tumit Productionip filmit marluk peqataatitarimmagit paasineqarsinnaagunarpoq filmiliortitseqatigiiffik Tumit Production nutaanik isumassarsiullaqqillunilu suliniuteqarmat Kalaallit Nunaanni filmiliornermut attuumassuteqartunik, Ivalo Frank  Sermitsiaq.AG'mut oqarpoq.

 

Ukiut hornorujukkaat tamarmik sinnattoqarput

Kirsten Thistedip, Københavns Universitetianit Hinnarik Sinnatunilu" ilisarititsigami qulequtaaraq Sinnattut upperiuaannakkit maluginiarneqarnerpaatut eqqartorpaa. Tassunga tunngatillugu Kirsten Thistedip sinnattorneq 1914'imi Mathias Storchip atuakkiaani "Sinnatugaq" 2009'mi "Hinnarik Sinnatunilu"naleqqiussuuttarpaa.

"Sinnatugaq" 20 hornorujumi sinnattuusoq, "Hinnarik Sinnatunilu" 21 hornorujumi sinnattuuvoq.

Kirsten Thistedip Hinnarimmi Kaassassuup inunngoqqinnera takusinnaavaa. Hinnarik muteerniusoq nunarsuarmi sumiluunniit Kaassassuusoq. Hinnarimmik oqaluttuami Kaassassummik oqaluttuamik ilisimasatsinni sammisat assigiissut takusinnaavai.  

- Hinnarimmik inuttami aamma filmimi taama annertutigisumik nalilersuisoqarsinnaanersoq nalugaluarparput, Aka Hansen qungujuppoq, taanna filmiliornermik ingerlatsisuusoq. Maannakkorpiaq Hinnarimmik inuttaasoq ilagerusukkaluarparput misigisatsinni nuannersorujussuarmi peqatigalugu. Hinnarimmik inuttaq Angajo Lennert-Sandgreen ajoraluartumik Berlinimi peqataasinnaannginnami. 

 

Tyskit nuannaraat
Qaqqat Alanngui takutinneqareermat filmimi ilitsersuisoq Malik Kleist nuannaarpoq annakkuummeqqalluni tyskit isiginnaartartut filmimik nuannarinninnerat tulluussimaarutigalugu.

- Inuit arlallit qujajartorlutik ornigupput aamma ersiummersimanerminnut, isumaqarpungali Berlinimi isiginnaartut Kalaallit Nunaanni isiginnaartartutulli tiguartitsiginngitsut, Malik Kleist naammagisimaaqisoq naliliivoq.

 

Next stop Frankrig
Berlinimi festivalip ingerlanneqarneranut atatillugu Tumit Production, ukiup ingerlanerani Frankrigimi filmfestivalimut allamut qaaqquneqarpoq. Tamatuma saniatigut  "Qaqqat Alanngui" Stockholmimi Sverigemiittumi takutinneqarnissaa sulissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER