Skip to main content

Taamaattussatut isigisat, pimoorussineq, maligassasiuinerlu

Nunarput pillugu filmit nunatsiniillu filimiat isumasioqatigiinnermi pissanganartumi oqaluuserineqarput 

Tallimanngorneq ulloq sisamassaani Berlinimi festivalerfiuvoq. Ullorlu naallugu Kalaannit Nunaat nunatsinniillu filmiliat pissanganaqisumik workshopimi  oqallisigineqarlutik isumasiuneqarpoq. Taamaattussatut isigisatut qanoq inneranik,  pimoorissineq, maligassasiuinerlu toqqarneqarput oqaluppalaarineqarlutillu.

Filmfestivalip unnukkuutaani filmit marluk takutinneqarput, taakkulu tamarmik filmiliat 'siullertut' isigineqarlutik. Das Eskimobaby 1918-meersoq siullertut isiginnaagassiatut filmiliatut Kalaallit Nunaat qulequtaralugu sammisaqarpoq, aamma Ujarneq Fleischerip Tikeq, Qiterleq, Mikileraq, Eqeqqoq 2009-meersoq festivalimi taaneqarput kalaallit isiginnaagassiaat filmit siullertut.

Filmiliani sorleq kalaallit suliaraat?

Humboldt-Universitätiani worshopeqarnerani isummersoqatigiinnermi apeqqutigineqarpoq filmi sorleq kalaallit suliaraat? Qaammarngup uummataa? Peqataasuniillu akissummik tunineqanngikkallarput. Worshoppertuni isummersoqatigiit peqataasuni soqutiginartumik saqqummiisut ilaat Laetitia Pipaluk Rosing allaaserisini qanoq "eskimuut" piviusulersaarutini 1897-miilli allaaserineqartarnerisa oqaluttuaraa. 

Worshoppernerup tunngavissaqartumik inerniliunneqarpoq ukiut 100-t sinnerlugu qaanngiutereersoq, avataanniit allat qanoq kalaallit filmini takutinniarneqartarneranik aaliangerneqarsimasumit, maanna kalaallit nammineq filmiliortartut kalaallit qanoq inneranik filmi aqqutigalugu saqqummiukkusuppaat.

- Isumaqarpunga piffissaq sivisujunnaartoq kalaallit suliannik isiginnaagassiaq filmiliortoqarumaartoq inooriaaserput sakkortoqisoq qulequtaralugu – kalaallillu isumaat aallaavigalugu, oqalliseqataasumit siulittuivoq, Aka Hansen,Tumit Productionimiit.

Filmi pissarsiariniarlugu ajornakusoornerpaaq

Ujarnip filmiliaa 2009-meersoq festivaalimi tassaavoq filmi innersuukkajunneqartoq. Siullermik suliarineqarnermigut akeqanngingajassimasumit, tulliattut filmi piaarneqarsimalluni alla inissaqarniassammat,  nassaarineqarluni kingusinnerpaamillu Maja Motzfeldt-Haahrip ajornarnerpaatut suliaq suliarisimallugu. Majap filmi tuluttut allagartalersorasuarlugu, taamaasilluni immikkut nassarneqarluni Berlinimut tallimanngornerup ullaap tungaanni tikiunneqarpoq, tallimanngornermimi unnukkut takutinneqartussaammat.

- Tassaavoq filmi festivalimi takutitassani ilisaritinnissaanut tulluusimaarutiginerpaasarput, peqqutit ilagaat pissarsiariniarnera ajornakusoornerpaasimammat, tallimanngormat filmi ilisaritinneqarnerani oqaatigineqarpoq festivaldirektøreriniit Ivalo Frank Lill-Ann Körberimillu.

Pimoorussisut maligassasiuisullu

Jakub Christensen Medonos, Kirsten Thisted Ivalo Frankillu worshoppereernerup kingorna tikkuartorpaat, Kaallit Nunaanni filmiliortut, soorlu assersuutitut taaneqarput Otto Rosing, Ujarneq Fleischer, Inuk Silis Høegh Tumit Productionikkullu piginnittut pimoorussinermikkut maligassiuisuullutillu, ullutsinni nunatsinni immikkooruteqarlutik filmiliornermi suliaqartut.

- Aningaasat kisimik aalajangiisuunngillat. Pisariaqartilluinnarparput filmiliornermi suliaqarnermi pissuserissaarnermik suliamullu soqutiginnilluarnermillu aallussisinnaaneq filmiornermi takutitsinnaaneq, filmiliortartullu ilaasa takutilluartarpaat, worshoppertuni isummersoqatigiit naqissuserpaat. Tikkuarneqarpoq neriunaatilimmik pimoorussilluartumillu filmiliortartut periarfissaqarluarnerannik ingerlaqqissinnaasut.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER