Skip to main content

Inunnut atuutinnginnera qallunaat ikittuinnaat ilisimavaat

Qallunaat quliugaangata arfineq pingasut EU-mut puisit amiinik eqqusseqqusinnginnerup Inunnut atuutinnginnera ilisimaneq ajorpaat 

Misissueqqissaartarfiup Userneedsip misissuinerata nutaap takutippaa qallunaat quliugaangata arfineq pingasut nalusaraat EU-mu puisit amiinik eqqusseqqusinnginneq inuiannut inunnut atuutinngitsoq.

KNAPK-p siulittaasua Leif Fontaine qallunaat nunaanni tusagassiuutinut allappoq maajip 1-ani Københavnimi kalaallit piniartut pillugit akerliussutsimik takutitsinissaq sioqqullugu.

- Qallunaat naluaat nunaqarfinni puisinniartut qanoq ajortigisumik inissisimanersut. 

- Naak puisit amiinik EU-mut eqqusseqqusiunnaarneq inuiannut inunnut atuutinngikkaluartoq nunallu inoqqavisut kulturitsinnik nunallu pisuussutaannik nammineq atuisinnaatitaanitsinnut ataqqinninnginnermut takussutissaagaluartoq puisit amiinik tuniniaaneq sequminneqarsimavoq. Maannakkut EU-p akisussaaffigilertariaqarpaa atuutitsinnginnermik atuisunut paasissutissiinissaq, Leif Fontaine oqarpoq.

Læs også "Fangerne demonstrerer i København"

1983-mi siullermik
Paasisitsiniaanermut "Piniartut tapersersorsigimut" atatillugu nunatsinni tamarmit puisinniat aqqaneq marluk 1983-miilli siullermeertup kingorna Danmarkimi maajip aallaqqaataani Københavnimi akerliussutsimik takutitsinissaarsuarmi siuttuujartorlutik tikissapput.  

Sooq maajip aallaqqaataani? Ullormi tassani niuertarfissuup Magasinip amernik atisalianik tuniniaaneq inerteqqutaatilissavaa, aamma puisit amiinik, ileqqorissaarnissami maleruagassat uumasunik illersuiniaqatigiit annertuumik sunniiniarnerisa kingunerisaanik pilersinneqartut naapertorlugit. 

-  Aamma nunarsuaq tamakkerlugu sulisartut sorsuffiat kalaallinut piniartunut atugassaqippoq, inuutissarsiutitoqqamik akuersaarneqarnissaannik ujartuineranni, KNAPK-mi siulittaasoq oqarpoq. 

Akerliussutsimik takutitsineq KNAPK-mit aaqqissuunneqarpoq namminersorlutik oqartussat, Great Greenland Kopenhagen Furilu tapersersortigalugit.  

Akerliussutsimik takutitsinermi pisussat:
Nal. 10.00 til 11.00 – Kongens Nytorv: Piniartut illersuiniartullu Magasinip saavani akerliussutsimik takutitsissapput 
Oqalugiartut: Leif Fontain (KNAPK), Sara Olsvig (IA sinnerlugu Folketingimut ilaasortaq) aamma Doris Jakobsen (Siumut sinnerlugu Folketingimut ilaasortaq))

Nal. 11.00 til 12.00 – Kongens Nytorvimiit Fælledparkenimut ingerlaaqatigiinneq


Nal. 12.00 til 16.00 – Fælledparkenimi tupersuarmi "illersuiffimmi"
Piniartut naapikkit, saqqummersitsineq takullugu paasissutissanik aallerlutit, amernik sullivik takullugu unammisitsinerinilu peqataallutit il. il. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER