Skip to main content

- Arktis er vores hjem

Taama ICC-ip siulittaasua, Aqqaluk Lynge, Montrealimi IPY pillugu ataatsimeersuarnermi ullumi oqalugiarnermini aalajangersaavoq

Iliuuseqarnissamut ilisimasaqarneq inuillu qitiutillugu.

Issittoq pillugu ataatsimersuarnermi International Polar Year 2012 ullumi Candami, USA-mi, Ruslandimi Kalaallit Nunaannilu inuit tamarmik siulittaasuata Aqqaluk Lyngep oqalugiarneranik aallarnerneqartumi qulequttat pingaarnerit taakkuupput.

Montrealimi ataatsimeersuarnermut ilisimatuut, politikerit, ilinniartitsisut atorfilittallu 2000-it katersuuffigisaannut ICC-ip siulittaasuata aallarniinera nalaatsornerunngilaq.

Ullumikkut ilisimasarineqartut tunngavigalugit iliuuseqartoqartariaqarpoq. Nunat killeqarfiit tamaasa akimorlugit. Aqqaluk Lyngep nunat issittumiittut tamaasa sinniisuuffigai. Ilisimatuut aalajangiisartullu aamma nunat inuiinut tusaaniartariaqarput. Inuit tassaapput allanngornerujussuarnut isiginnittuusut. Inuiaqatigiit aningaasaqarnerat, avatangiisit allanngoriartornerat piorsarsimassutsikkullu qangatut naleqartitanik tammatsaaliuineq ataatsimeersuarnermi qulequtarpassuarnut ilaapput.

Læs også "IPY: Læs Anthons åbningstale"

Læs også "Sara Olsvig med kolleger til IPY"

Unammilligassarpassuit
Unammilligassallu kisissaanngillat. Pinngortitaq avatangiisillu artukkerneqassanngillat, nunarsuullu avannarpasinnerpaartaani inuit 165.000-it najugaqartut piffissanut nutaanut kiannerusunullu naleqqussartariaqarput.

Ilisimatusartut ilisimatuullu allat nunarsuarmit tamaneersut nunarsuarmi sikuiuitsoqarfinnik marlunnik samminnilerput. Sikuiuitsumik Kujallermik Avannarlermillu. Tamaani inuussutissat pingaarutillit nunarsuup sinneranut pilersinneqartarput. Sikuiuitsoqarfinnilu sermersuit aakkiartupiloorput. Nunamit qerisumit uuliamik gassimillu aatsitassanillu piumaneqarluartunik allanik takkussuuttoqarpoq. Europap Asiallu akornanni niuernikkut aqqummut periarfissat nutaat "Ilisimasanit iliuuseqarnermut" qulequtsiullugu ataatsimeersuarnermi unammilligassarpassuarnut oqaluuserineqartunut ilaavoq.

- Issittoq angerlarsimaffigigatsigu paasisariaqarparsi. Aatsitassarsioqatigiiffiunngilaq ilisimatusarfiunaniluunniit, angerlarsimaffigaarput, Aqqaluk Lynge peqataasorpassuarnut pingaarnertut oqalugiaatimini oqarpoq.

Nalornineq
Pissutsit ajornartorsiortitsisorpassuit ICC-ip siulittaasuata isiginnittuuffigisimasai najuuttunit tusarnaarneqarput. Nunat tamarmik silap pissusiini unammilligassaqarput. Inuit ukiut tuusintilippassuit ingerlaneranni silap allanngorneranut naleqqussarsinnaasarsimagaluartut ullumikkut nalornineq pilersimavoq.

- Allanngornerit inuit maluginiagaat allaanerulluinnarput. Allanngornerit qangatut ilisimasanut imaluunniit alaatsinaannikkut ilisimalersimasaannut naapertuutinngillat, Aqqaluk Lynge oqalugiaatimini erseqqissaavoq.

- Eqqarsaat amiilaajummernarnerpaaq tassavoq ilisimasavut silap pissusaani allanngornerit sualuttut iluarsiiviginissaannut naammanngippata inuttut kinaassutsitsinnut tunngaviup aarlerinartorsiulersinnaanera.

Aaqqiissutissat suleqatigiissutiginiarlugit ICC-ip nunarsuup sinneranut ammanera siulittaasup taamaattumik aamma erseqissaassutigaa.

- Immitsinnut mattunniartuunngilagut. Suleqatigiinnissaq kissaatigaarput pingaartumik ilissinnik ilisimatuunik suleqateqarnissaq. Assigiinnik anguniagaqarlutalu kajumissuseqarpugut, Aqqaluk Lynge ullumi oqalugiarnermi oqarpoq.

Oqalugiartartutut taannarineqarluartoq
ICC-ip siulittaasua pingaarnertut oqalugiartussatut toqqakkat ikittuinnaat akornanniippoq. Sapaatip-akunnerani kingullermi Aqqaluk Lynge USA-mi Dartmouth Collegemi oqalugiarpoq. Tamanna sioqqullugu Inuit silittaasuat Københavnimiippoq Verdensnaturfondenimilu issittoq pillugu ataatsimeersuarnermi oqalugiarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER