Skip to main content

D internettimi atugassarititaasunik pitsanngorsaaqqusisoq

Internettimut akit appasinnerit pinngitsaaliissummillu oqarasuaateqaartitaasarunnaarneq. Taama Demokraatit Telemut saaffiginnissutaat nipeqarpoq 

Demokraatit sinnerlugit Inatsisartut ilaasortaq Jørgen-Ole Nyboe Nielsen nuannaajummersimavoq AG-mi marsip 28-ani saqqummersumi atuaramiuk Tele Greenlandimut pisortanngortussaq Søren Eriksen nunami maani internettimik atuinermut akinik misissuiumasoq.

- Tamanna internettimut akit appartinneqarnerannik kinguneqassasoq neriuutiginarpoq, Jørgen-Ole Nyboe Nielsen oqarpoq.

Taanna naapertorlugu Søren Eriksen arlalitsigut iluaqutaasumik allanngortitsisinnaavoq.

- Tele Greenlandimi internettimut bredbåndimik attavilersinnermut atatillugu pinngitsoorani oqarasuaateqartussaatitaaneq assersuutigiinnarsinnaavarput.

- Internettimut attavilersinniarluni Tele Greenlandiliaraanni oqarfigineqassaatit oqarasuaammik aamma atuisartuusariaqartoq. Tamanna assersuutigalugu isumaqarpoq, Goldimik attavilersinniaraanni ADSL-imik attaveqarneq qaammammut 599 koruuninik 3GB angullugu atuinermi akeqassasoq pilersitsinermilu 500 koruunit akiliutigineqassasut. Tamatuma qaavatigut oqarasuaateqartussaatitaanermut atuisutut akiliut 150 kr. aamma taassuma pilersinneranut 500 koruunit akiliutigineqassappout.

- Tassa imaappoq Gold-imik, atuisuunermut 599 koruuninik pilersitsinermullu 500 koruuninik akeqartutut ussassaarutigineqartumik, attaveqaasertinnermut 1000 koruunit atuisutullu 749 koruunit akiliutigineqassapput, Jørgen-Ole Nyboe Nielsen oqarpoq.

Læs også "Vil se på internettakster"

Pisisariaqarneq
Taanna isumaqarpoq Gold-imik attaveqaasertinnerup 1000 koruuninik atuisuunermullu 749 koruuninik akeqarnera nalunaarutigigaluarpagu tamanna Tele Greenlandimut pissuserissaarnerussagaluartoq.

- Soorunami oqarasuaammik atuisunngornissaq kissaatigigaanni pilersitsinermut atuisuunermullu akiliummik akiliuteqartarnissaq ajunngilaq. Kisianni oqarasuaat atorfissaqartinngikkaanni kissaatiginngikkaannilu tamanna allarluinnaavoq. Tele sullitaminut kiffartuussissummik kissaatigineqanngitsumik atorfissaqartinneqanngitsumillu pisisariaqalersitsivoq.

- Sullitaq internettimut attaveqaatitaarusukkuni akiliisariaqarpoq oqarasuaatitaarlunilu, Jørgen-Ole Nyboe Nielsen isornartorsiuivoq.

Allaaserisaq eqqaaneqartoq "Internet akikitsoq ujartorniarpaa" AG nr. 13-imiittoq pisiariuk uani:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER