Skip to main content

Aalborgimi inuit pissaqapput

Maqaasineqartoq Lars Svendsen suli nutaarsiassaqanngilaq, inuilli paasisaqarnissamik tungaanut ujaasiinnarniarput  

Erno Jacobsen Petersenip nammineq piumassutsiminik nunaqqatini peqatigalugit Lars Svendsenimik ujaasinerigalua sapaatiummat suli angusaqarfiunngilaq. Ikinngutaali ilisarisimasaalu nakkaannarnianngillat. Ujaasinertik nanginniarpaat paasisaqarnissamik tungaanut. Ullumi sapaammi ornittakkami Perpumi peqataasut ilaat oqarpoq taarsinissaa tikillugu ujaasiniarluni. 

Arfininngormat sapaatiummallu suleqatigiiaat nunami imaanilu Larsimik ujaaseqqipput Nuummiit ilaqutai peqatigalugit. Ilaqutaasut ullumi savaaqqat quttorai marlussuit silappaat Aalborgimi kalaallit peqatigiiffiata Ikerasaap ujaasisunut tunissutai. Nuup bussii aamma Lars Svendsenip angutaanut Johannes Svendsenut Nuummeersumut angallassinermik biilimik atukkiipput.

Læs også "Alt håb synes slukket"

Maannakkut paasineqarpoq takunnissimasut inummik ataatsimik takunnittut kangerlummi. Inummik pissittumik nakkartumilluunniit takusaqanngillat Larsilu Nørresundbyp eqqaani Limfjordenip ikaartarfiata eqqaani nakkarsimasinnaallutik. Oqaatigineqarpoq taannarpiaq kalaaaleqatini allat peqatigalugit Nørresundbymi ikaartarfiup eqqaaniittoq Larsip ornissimasinnaasaani. Limfjordenip ikaartarfiata talui ima pukkitsigaat uertoornikkut sinaatigut nakkartoqarsinnaalluni. 

Aalborg Sportdykkerklubbip ajuusaarluni nalunaarutigaa taamatut ujaasinissamut inuutissarsiutigalugu aqqartartuusariaqartoq. 

Taamaalilluni Erno Jacobsen Petersenip ujaasinera paasisaqartoqarnissaata tungaanut ingerlanneqassaaq, Sermitsiaq.AG-mullu oqaluttuarpoq aqagu ujaaseqataasut eqqaaniuutitut assilineqassasut, ujaasisunut annikikkaluarmik qamanngali pisumik qujaniutitut.  

Erno Aalborgimi FC Jakip arsaannermut klubbiani nutaani ikinngutaalluarpoq siulersuisunilu ilaasortaalluni. 

28-nik ukiulik Lars Svendsen Aalborgimi arfininngornermi unnuami sapaatit akunnera matuma siornali takuneqarami takuneqaqqinngilaq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER