GSS aamma SAK arnani ajugaaniutivissapput

Assammik arsarnermi BankNordik GM Ilulissani ingerlanneqartumi arfininngorneq arnat qasuersaarfigissavaat. Illuatungaanni Kalaallit Nunaanni assammik arsartartut kattuffianni sinniisut ataatsimiissapput. Tallimanngornermi unamminerit naatsumik imaqarniliorneqarneri uani atuarsinnaavatit.

I 69 aamma GSS'ip unamminerat pitsaanerpaat inissinnerlunnerpaallu akornanni unammineruvoq. GSS finalertussanngoreernikuusoq I 69'imit pitsaaneruvoq taakkua ukioq manna unammersuarnerni ataasiarlutilluunniit ajugaanngitsoorput. Unamminerup immikkoortua suli aallartinngitsoq ajugaasussat erseqqissereerput, GSS 20-9'nik siuaqqalluni. Unamminerup immikkoortuata aappaani taama ingerlaannarput GSS 38-16'imik ajugaalluni. Unamminermi unammilluarnerpaatut toqqarneqarpoq Lykke Frank Hansen, GSS.

Tallimanngornermi unamminerup aappaa sapaammi bronzennanniunnissamut misiliinertut taaneqarsinnaavoq. Nagdlúnguak aamma NÛK unamminerat, inissinnissamut pingaarutaarunnikuugaluartoq isiginnaartut assammik arsarnermik pissanganartumik takutinneqarput. Nikinnissamut Nagdlúnguak 15-12'imik siuaqqavoq. Unamminerup immikkoortuata aappaani NÛK sukalaneruvoq, naak Nagdlúnguak unamminerup naammassilivinnerani målimik ataatsimik siuaqqagaluartoq NÛK ingerlatsilluarpoq. Arnat Nuummeersut 28-27'mik ajugaapput tamaattumik sapaammi bronzennanniunnissaq pissanganartorujussuuvoq.

Ullut tallimassaanni arnani angusat:

N 48 – NÛK 27-28 (15-12)
I 69 – GSS 16-38 (9-20)

Inernerit:
GSS; 4 128-71 8 point
SAK; 4 112-84 6 point
NÛK; 4 85-101 4 point
N 48; 4 88-120 2 point
I 69; 4 83-120 0 point