Skip to main content

Angutit tamarmik annilaanngagisaat

Angutit danskit marluk Nuummi arnamik pinngitsaaliisimasutut unnerluutigisaasut illersuisui angutit marluk pinngitsuutinneqarnissaat piumasaraat

– Arnaq uppernassuseqanngilaq.

Taama erseqqitsigisumik angutit danskit marluk illersuisui nalunaaruteqarput, angutit siorna dronningip prins Henriullu Kalaallit Nunaanni tikeraarneranni kunngip umiarsuaani Dannebrogimi sulipput. 

Illersuisut Aviâja Helms aamma Ulrik Blidorf angutit pisup ingerlarnganik nassuiaataannik saqqummiussipput, unnuk taanna angutit arnamik qanoq misigisimasaqarnerannik eqqartuillutik. 

- Arnaq Kristiinaaqqami naapissimavaa aallaqqaamulli peqqusaarluni. Allaat arnap piffissa ilaa angutit aappaata akulaavi aluttorsimavai, tininnermik nalaani - unitsinneqarlunili. Arnaq peqqusaarsimavoq, kunissilluni angutillu tasiortarsimallugit,  taakkua ilagalugit Kristiinaaqqap iluani usuup puussarsiorluni. Erniinnaq nalunarunnaarsimavoq atoqatigiikkumaarnissaq, Aviâja Helm nassuiaavoq. 

- Kristiinaaqqamit ingerlagamik angutit marluk, arnaq arnallu kammalaataa arnaq alla Hotel Hans Egedemi ineerassarsioraluarput. Akunnittarfiup isaariaani unnuakkut nakkutilliisumit itigartinneqarput, akunnittarfimmi inissaqanngimmat. Unnuakkut pigaartoq eqqartuussivimmi nassiuaavoq, inuit sisamat tamarmik aalakoortut nuannaarlutillu aammalu arnat angutinik pinngitsaalisaaneqarnerannik ersiutissaqanngitsoq.  

 

Eqqissiivillutik ingerlaqqipput 
Aqqusineq ikaarpaat bussit unittarfianni kunissuullutillu attualaarlutik. Bussit unittarfiannit ingerlaqqipput, tamaani takuneqarsinnaallutik atoqateqarusunnginnamik ingerlaqqipput, Café Chilip tungaanut aqqutaani sakkutuuaqqanik allat arpattut naapillugit.  

– Eqqissiivillutik ingerlaqatigeerusaarput oqalorujoorlutik nuannisarpasillutik.   Ajortoqarpasinngilaq aappaata arnaq tasiorpaa. Arnaq pinngitsaalisaalluni angutinik ingerlaqateqarneranik ersiuteqartoqanngilaq, ilisimannittoq Danmarkimeersoq oqaluttuarpoq.

Café Chilip eqqaani aqqusineq ikaarpaat, atoqarteqarfiusup tungaanut ingerlallutik. Nalunaaqutaq unnuap qeqqa qaangerpaa, sila suli qaammasoq nuannerluni. 

Uppernanngilaq

–  Sooruna arnaq politiinut nassuiaasoq angutit tuluttut oqaluttut? Isumaqarpugut arnap angutit kikkuuneri paasinarsarusussimanngikkaa, politiinit ujaruminaassarlugit.

- Sooruna unnerluutigisaasup aappaata aatsaat mobilia sianersimasoq oqaatigimmagu, aatsaat mobilimi arlaleriarluni sianersimanera eqqaagaa? Atoqatigiinneq pinngitsaaliilluni ingerlanneqarsimasuuppat mobilini tigusimasinnaagaluarpaa ikioqqullunilu. Pingasoriarluni politiinut nassuiaanikuuvoq ataasiarluniluunniit mobilini eqqaanikuunngilaa. 

- Sooruna arnaq kammalaatini Hotel Hans Egedemi ineeqqamik pissarsisinnaanatik ingerlagamik taxanut ikimmat, angerlamut ingerlaqatiginngikkaa? Arnaq oqarpoq angutit Nuussuarmut nangikkiartussat ilaaffigissamaaramigit. Sooq taava kammalaatini ilagalugu angerlaannarsimanngila angerlarnissani taama pingaartitsigisimaguiniuk, aqaguanimi ernermi inuuiani kaffisortitsisussaalluni?

- Arnap kammalaataa eqqartuussivimmi nassuiaavoq, arnaq angutinit atoqateqarusussimasoq angutillu ikiorlugit usuup puuanik pissarsioqataalluni, illersuisut marluk nassuiaapput. 

 

Killissaq sumut killeqarpa?
Ulrik Blidorf eqqartuussivimmut aperivoq killissaq sumut killeqarpa. 

- Angutip qaqugukkut paasissavaa arnaq piumanngitsoq. Arnaq nassuiaavoq arlaleriarluni uneqqusisarsimalluni, angutit marluk paarlakaajaallugit qanersorluni sammisimallugit unnullu naallugu atoqateqarnissaq anguniarpasillugu peqqusaarsimalluni?

- Teknikkikkut takussutissaqanngilaq pinngitsaalineqarsimaneranik. Ilorliini aak itermigut hæmorridiata qaartoorneraneerpoq. Aamma atisaasa alittorneqarsimaneranik takussutissaqanngilaq. Arnaq nammineq piumassusitsini naapertorlugu angutinik marlunnik atoqateqarsimavoq, angutit inuusuttut marluk aqqusaagaat angutit tamarmik annilaanngagisaraat. Tassalu pinngitsaaliillutik atoqateqarsimasutut politiinut nalunaarutigineqarnissaq, naak arnaq nammineq kajumissutsi naapertorlugu atoqarteqarsimagaluarluni. 

- Nassuiaatit tamakku tunngavigalugit, angutit pinngitsuutinneqarnissaat piumasaraarput, Ulrik Blidorf.

Eqqartuussutip qaqugu inerneqarnissa suli nalunarpoq. Eqqartuussisut maanna naliliileruttorput. Tallimanngorpat imaluunniit arfininngorpat eqqartuussinerup inernera saqqummeriunneqassaaq. 

Eqqartuussineq pillugu tallimanngornermi Sermitsiaq saqqummersumi allanik atuagassaqarpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER