Skip to main content

Nuummi talittarfissaarsuaq akuerineqarpoq

Danmarkimi umiarsulivinnut inatsit nutaaq atulerpat Aalborgip talittarfiaata Nuummi talittarfissaarsualiornissaa akuerineqarpoq. Ilimagineqarpoq Nuummit talittarfissaarsuaq nutaaq 500 million koruunit tungaanut akeqassasoq

Aalborg Havn Nuummi containerinut talittarfissami nutaami aningaasaleeqataanissamik oqaloqatigiinnissamut piareerpoq. 

Tamanna pisinnaanngorpoq Folketingi talittarfinnut nutaamik inatsimmik akuersimmaat, taamaalilluni Danmarkimi talittarfiit nammineq aningaasaatimik 15 procentiat atorlugu talittarfinni allani aningaasaliisinnaallutik, Transportmagasinet allappoq.

- Piffissami sivisujaani kalaallit isumaqatiginiarsimavagut, peqataanitsinnili tunngavigiuarsimavarput inatsisip allanngortinneqalersaarnera. Maannakkut taanna atulerpoq. Kommunitta killeqarfiata avataani talittarfinnut aningaasaliisinnaanngorpugut. Inatsisitoqaq malillugu taamaaliirsinnaanngilagut, Aalborg Havnimiit pisortaaneq Claus Holstein Transportmagasinetimut oqarpoq.

Læs også "Markant fremgang for Aalborg Havn"

Læs også "Sisimiut Havn klar til udvidelse"

Nuummi nutaamik talittarfissualiornissamik pilersaarutit Royal Arctic Line, Kommuneqarfik Sermersooq namminersorlutillu oqartussat peqatigalugit ingerlanneqarput. Sananeqassaaq terminali toqqorsivillu 40.000 kvadratmeteriusoq, containerit passunnerannut uuliamillu ujaasinermi atortunik toqqorsivittut atorneqartussaq. 

Ullumikkut Nuup talittarfia illoqarfimmut qanittuuvoq. Talittarfik nutaaq qeqertaaqqami Nuup avataaniittumi sananeqassaaq. Nutaaliaassaaq terminaleqarluni, talittarfeqarluni, karaaneqarluni, toqqorsiveqarluni, amutsiseqalruni, taamaalilluni pitsaassuseq sukkassuserlu annertusillutik.  

- Upperaarput uuliasiornerup aatsitassarsiornerullu iluani kalaallit pitsaasumik ineriartorsinnaaleraluttuartut. Taamaattumik pingaartuuvoq Kalalalit Nunaanni ineriartornermut tulluartumik atortulersorneqarsimanissaq, Claus Holstein oqarpoq.

Ilimagineqarpoq Nuup talittarfissaa nutaaq 500 million koruunit tungaanut akeqassasoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER