Skip to main content

Klart ja til ny overenskomst

Peqqinnissaq Pillugu Kattuffiit ilaasortaasa 80,9 procentiisa isumaqatigiissut nutaaq akueraat  

Tamanna erserpoq Peqqinnissarlu Pillugu Kattuffiit tamarmik isumaqatigiissummut nutaamut qanittukkut isumaqatigiissutigineqartumut ilaasortat 80,9 procentii akuersaarlutik taasimmata. 

Katillutik ilaasortat 241-t taasipput. Peqqinnissaq Pillugu Kattuffiinni ilaasortat tamarmik isumaqatigiissut akueriaat apriilip aallaqqaataannit 2012-miit marsip 31-anut 2016-imut atuuttussaq ukiuni sisamani annerpaamik 4,81 qaffaasoqassalluni. 

- Angusaq annertoorujussuartut taaneqarsinnaanngikkaluaq, inuiaqatigiinni aningaasaqarnikkut sukannersumik aqutsinissamik politikkimut naapertuuttumik, Peqqinnissarlu Pillugu Kattuffiini siulittaasoq Inuuti Fleischer oqarpoq. 

Læs også "Nu er overenskomsten på plads"

- Maannamut angusap piffissap isumaqatigiissutip atuuffiani marsimilu 2016 nutaamik isumaqatigiissusiornissami, Namminersorlutik Oqartussat ilaqutariit pitsaasunik atugaqarnissaannut, pitsaasumik suliffeqarnissamut peqqinnissaqarfimmilu sulisussarsisinnaanissamut sulisoreriikkallu pigiinnarnissaannut periarfissinneqarnissaq pillugu anguniagaannut ikorfartuutaanissaa naatsorsuutigisariaqarpoq. Pisariaqartitsinerup ukiuni sisamani tulliuttuni malunnaateqarnerulernissaata qularutissaannginnera, Peqqinnissaq Pillugu Kattuffiit ataasiaratik ilisimatitsissutigisareerpaat.

Inuuti Fleischer naapertorlugu Peqqinnissaq Pillugu Kattuffiit Peqqinnissaqarfimmi sulisussarsiniarnerup sulisoreriikkallu pigiinnarnissaannut pisariaqartitsinerup - iluarsaaqqinnikkut ilaatigut ullunik tungiuinermut atugassanik erninermullu atatillugu anaanaasup ataataasullu sulinngiffeqartarnerisa sivitsorneqarnissaannut ilaqutariit pitsaasunik atugaqarnissaannut - suliffimmilu pitsaasunik atugassaqartitaanissap politikkikkut paasineqarnissaata qulakkeerneqarnissaa, Peqqinnissaq Pillugu Kattuffiit ukiuni tulliuttuni sisamani siunnerfilimmik kinguneqarluarumaartussamillu angusaqarfiunissaa sulissutigaat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER