Elle: - Nivé "ullorissap anaa arsarnitalik"

Nivé sunniuteqarpoq - nunarsuarmi sumulluunniit pigaluaraangami - kingullertut mutit pillugit quppersakkami Elle

Nivé Nielsen modemagasinet Elle'mi allaaserineqarpoq, ilaatigut Nunarput pillugu oqaluttuarluni. Assiliartaliussaq Elle

Elle, quppersagaq, tusaamasat pillugit allaaserisaqartartoq, mutiliortunik tarngutinillu assigiinngitsunik allaaserinnittartoq Nivé Nielsen allaaseralugu aallartipput.

Ilami Nivé taavaat "Ullorissap anaa arsarnitalik" Kalaallit Nunaata tusaamasartaa pingaarneq.

Atuartartut Nivép oqaluttuassartaa nipilersortartutut, Canadami politikkimik ilisimatusarnermik atuarsimaneranik aapparminiillu ukulelimik aappalaartumik tunissutisinera paasisaqarfigaat:

- Sajuttuinnaavunga kiagullungalu aamma qulleq qaminngavoq aappannut erinniama siullersaat Room atoqqaarakku, Nivé Elle'mut oqaluttuarpoq, taakkua aamma allapput Nivé Kalaallit Nunaanni alliartorsimanini pillugu iluatsitsisimanerartoq:

- Tamaani kiffaanngissuseqartoqarsinnaammat, Nivé oqarpoq.

Nivé Nielsen USA & Canadami tusarnaartitsisaqattaarluni angalanini naammasseqqammerpaa eqqissisimaalaariarluni angalaqqinnginnermini. Tamatumuuna tikitassai tassaapput Tyskland, Danmark, Sverige, Norge, Frankrig, Belgien, Holland aamma Italia.

Powered by Labrador CMS