Skip to main content

Kissaviarsuk kikkut tamat takorusukkaat

Assinik nutaanik ilallugu nutartigaq: Ippassaq aqqusinermi angallannermi paativeeruttoqangajappoq, kissaviarsuk Nuummi ujaqqat arlaannut mimmat. Assilisatit kusanartut takutikkusukkukkit nassiukkit. 

Kissaviarsuit qaqutiguinnaq Nuummi takuneqartarput, ippassaq inuit timmissamik pinerrarissorsuarmik takuniarlutik uitsapput.

Illoqarfiup ungataani aqquserngit kaajallariakkat ilaanni ualikkut takuneqaqqaarpoq, siullermik naajartortoq kingornalu ujaqqami missimaartoq. Tassani sivisoorsuarmik uninngavoq assiliisorpassuit soqutigerpasinnagit. 

Assiliiumallutik qanillattornerpaat 10 meterinik timmissamit ungasissuseqalersarput.

Ajoraluartumik Sermitsiaq.AG'ip aallartitaa timigissarluni arpannermi nalaani assiliiveqannginnami atuartartut assiliisimasut kaammattorpai timmissamik kusanarluinnartumik assilisaminnik nassiusseqqullugit. Assilisat uunga nassiussinnaavat hanne@sermitsiaq.gl, taava assiutitit nittartakkamut ivertititissavagut.

Pinngoortitaleriffik naapertorlugu kissaviarsuk nunarsuarmi falkit annersaartaraat. Kalaallit Nunaanni naatsorsuutigineqarpoq kissaviarsuit aappariit 225 aamma 500 akornanniittut. Nunatsinni kissaviarsuit eqqissisimatitaapput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER