Skip to main content

Inuuneq nuannernermik atulerpaa

Aqua tusaamasaanerup silarsuaanit pisaritippoq nipilersoqatigiit nunarsuaq tamakkerlugu tusaamasaalermata. Avissaarput. – Ullumikkut immitsinnut nakkarsarunnaarpugut, taamanitulli, Lene Nystrøm oqarpoq 

1990’ikkut naajartortut Aqua tusaamasaanerpaanngorpoq. Aqua 1990’ikkut naajartorneranni tusaamasarsuanngorput. Erinarsugartik tusaamaneqaatiginerpaallugu "Barbie Girl", nunarsuarmi sumi tamani tusarnaarneqarnerpaanngorluni kikkullu tamarmik nipilersoqatigiinnik naapitserusuttarlutik. Kisianni tusaamasarsuartut pilluarluni inuunissaq nipilersortartunit misigineqanngitsoorpoq.

Maannakkut nuannersumik ingerlapput.

Lene Nystrøm, Nuummut amermik nasalerluni tikittoq naapertorlugu, nipilersoqatigiit ullumikkut inuunermi misigisassat nuannersut piffissaqarfiginerullugit inuulernikuupput. Kalaallit Nunaanniinnermini akunnittarfiup ineeraa nipilersorfissarlu kisiisa pinnagit misigisaqarnissaminik pilersaaruteqarpoq. Inunnik naapitsinissani qilanaaraa, kangerlummut angallammik ilami Nuummi eqqaanilu takornariatut misigisaqarnissani qilanaaralugit.

- Taamani nunarsuarmiut tamarmik nilliaffigiinnalivimmatigut suut tamarmik ingasattumik ingerlapput. Misigisat nuannersut iluamik nuannaarutigisinnaanagit. Qamuuna nukissaarunnarami. Ullumi immitsinnut eqqarsaatigineruvugut, suut suliarerusunnerlugit nammineq aaliangertarluta. Ullumi immitsinnut nakkarsartarunnaarnikuuvugut, siornatigut ilaanni taamaaliortarnikuugaluarpugut. Maannakkut nukissaqarnerulernikuuvugut tunniussassaqarnerulerluta, tusarnaartorisartakkatta tamanna malugisinnaagunarpaat.

Imminnut tatigipput
Marsi qaammataa Aqua Australiamiipput. Taqqavani - Down Under – Aqua’kkut puigorneqarsimanatik misigaat. Nikiffiit tamarmik ulikkaartarput.

Taama misigisaqarneq imminnut tatiginermik misigissutsimut iluaqqutaasoq, Lene Nystrøm isumaqarpoq. Taanna naapertorlugu Aqua aatsaat 1990’ikkunnit  pitsaanerusumik tusarnaartitsalerpoq.

Taassuma nipilersorfimmit tunniussimanissani nuannarisorujussuuaa. 

- Nipilersortartut kikkullluunniit nipilersuummik ataasioqateqalernissaq misigerusuttarpaat. Tassa taanna. Suut tamarmik pissusissamissut ingerlanerat. Taamaattoqartillugu nunarsuarmi pilluarnerpaatut misigisimaneq, Lene oqarpoq.

Aqua Danmarkimut uteruni aasakkut tusarnaartitsinerit festivalillu arlallit Danmarkimi ingerlasut appisimaarfigisassavaat. Kingorna Canadamut USA’mullu angalanissat pissapput.

Lene Nystrømip nunat illoqarfiillu ullutsinni tikittakkani piffissaqarfigisarpai. – Kalaallit kulturiannik paasisaqarnerulaarnissara kissaatigaara. Nuna manna tikikkusuttuaannarnikuuvara, naggasiivoq.   

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER