Skip to main content

Piniartut Københavnimi akerliussutsimik takutitsipput

Naammaleqaaq. Kalaallit aalisartut piniartullu Københavnimi akerliussutsimik takutitsipput EU'p puisit amiinik eqqusseqqusinnginnera pillugu

Kalaallit Nunaanni aalisartut piniartullu kattuffiat KNAPK, maajip aallaqqaataani akerliussutsimik takutitsissapput, kalaallit piniartut atugaat ersersinniarlugit kiisalu EU'p puisip amiinik eqqusseqqusinnginnera akerliuffiginiarlugu. Eqqusseqqusinnginneq Kalaallit Nunaanni piniartunik assorsuaq eqquisoq.

Uumasunik illersuiniaqatigiit tusaamasallu Canadami tulluanngitsumik "puisaaqqanik" piniarneq pissutigalugu, puisit amiinik amernillu allanit tunisassiat pisisartut politikkerillu akornanni isigineqarnerat sunnerujussuarpaat. Tamatuma kingorna EU 2010 aallarnerfigalugu puisip amiinik eqqusseqqusiunnaarpoq.

sumut.dk. allappoq.

Akerliussutsimik takutitsinermi Kalaallit Nunaanni piniartut sumiiffinnit assigiinngitsuneersut 15'it peqataassapput, Københavnimut tikikkunik pissutsit atukkatik nassuiaatigissavaat paasinninnerunissamullu kimigiiserlutik. Akerliussutsimik takutitsineq Magasin saavani Kgs. Nytorvimit oqalugiarnernik aallartissaaq, pisiniarfissuarmi tassani ulloq taanna amernik tunisassiat tamarmik tuniaqqusaajunnaassammata.

Tamatuma kingorna Kgs. Nytorvimit Fælledparkenip tungaanut ingerlaaqatigiittoqassaaq, tamaani sulisartut ullorsiorlutik assigiinngitsunik aaqqissuisut orninneqassallutik.

Ulloq taanna Københavnimiissaguit akerliussutsimik takutitsineq tapersersoriartoruk, taama kajumissaarisoqarpoq. 

Aamma apriilip 19'ianni Kalaallit Illuutaanut Københavnimiittumut peqataajartorsinnaavutit, ulloq taanna paasisitsiniaalluni oqallinnertalimmik Sara Olsvig, MF Inuit Ataqatigiit peqatigalugu isummannik saqqummiisinnaallutit. Ataatsimiinneq Løvstrædemi nal. 19'imiit 21 tungaanut ingerlanneqassaaq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER