Peqqinnissaqarfimmi aqutsisoqarneq pillugu nassuiaasoqarli, Kuupik
Peqqinnissaqarfimmi aqutsisoqarfimmi taarseraannermut atatillugu suliap qanoq ingerlasimanerata naalakkersuisut siulittaasuannit nassuiaateqarfigineqarnissaa Aleqa Hammondimit piumasarineqarpoq
Taamaattumik paragraf-37 tunngavigalugu imaattunik apeqquteqarpoq:
- Peqqinnissaqarfimmi qulliunerusut inatsisitigut piginnaatitsissutitaqanngitsumik siumoortumik akissarsialersorsimanerat Naalakkersuisut ilisimasimavaat, qanorlu
kinguneqartoqarnissaanik Naalakkersuisut pilersaaruteqarpat??
- Aningaasatigut atuisinnaanissamut inatsit atuuttoq unioqqutinneqarsimava?
- Kia akisussaaffik unioqqutissimaneraa pillugu paatsuuganerit torinngitsumillu assigiinngitsunik tusagassiorfitsigut saqqummiunneqartartut pillugit erseqqissumik Naalakkersuisut siulittaasuat nassuiaateqarnissaminut naatsorsuuteqarpa?
- Arlaannulluunniit attuumassuteqanngitsunut Naalakkersuisut suliniuteqarniarpat?
Aleqa Hammondip apeqqutini ima tunngavilersorpai:
- Inatsisartut tassaapput Naalakkersuisunut sulisitsisut. Inuiaqatigiit aningaasaataasa isumatusaartumik inatsisinillu tunngaveqartumik atorneqarnissaat malinneqartussaavoq.
Læs "Nu eller aldrig for sundhedsvæsenet"
Læs "Sana-personale raser over situationen"
- Inatsisartut aningaasaliissutissanut akuersisarput, taakkulu atorneqarnerat inatsisitigut illersugaavoq. Maannali tusarparput Peqqissutsimut Naalakkersuisoqarfimmi qaffasinnerusumik aqutsisuusut iluarisaannarminnik siumoortarsimanerannut tunngasoq aarlerinartutut aammalu pissusissamisuunngitsutut isigaara, Aleqa Hammond nassuiaavoq.
Sisamanit pingasut
Peqqinnissaqarfimmi aqutsisoqarfiup pisortaa Kurt Nielsen, nakorsat pisortaat Carsten Thordal peqqissaasullu pisortaat Lisbeth Lumby Rasmussen sapaammi marsip 25-ani suliunnaarallarsinneqarput. Peqqinnissaqarfimmi aqutsisunut ilaasortanit sisamaasunit pingasut siumoortumik aningaasarsisitsisoqartarsimanera pissutigalugu suliunnaarallartinneqarput.
Taama naalakkersuisoqarfimmut pisortaq Ann Birkekær Kjeldsen ilisimatitsisimavoq.