Qitinnermik suliniut 150.000 koruuninnattoq

Nordisk Kulturfond 2012-imi aningaasaliissutinik agguaanermini siullermi piorsarsimassutsikkut suliniutinut 71-inut, nunani avannarlerni killeqarfiit pitarlugit suleqatigiissutaasunut, 7,5 millioner koruunit sinnerlugit aningaasaliissuteqarpoq

OuterVision 2011-mit assilisaq. Ass.:/Foto: Katuaq

Suliniutit Nordisk Kulturfondimit 150.000 koruuninik aningaasaliiffigineqartut ilaat Nuummeersuuvoq.

Kulturfonden allappoq,"Kalaallit Nunaata Norgellu akornanni qitinnermik suliniummut pissanganartumut Nordisk Kulturfond kingumut tapiissuteqarpoq".

- OuterVision Dance Festival 2012 nunat avannarliit suleqatigiillutik aaqqissuussaraat suleqatigiit tassaallutik piorsarsimassutsikkut illorsuaq Katuaq, Norgemi Bårdar Danse Institut aamma Bårdar Danseteater, kiisalu Napa, Nunat Avannarliit Piorsarsimassutsikkut Attaveqaataat. Qitittartut Kalaallit Nunaanneersut, nunanit avannarlerneersut nunanillu allaneersut naapeqatigiissapput imminnullu immersoqatigiissallutik kiisalu Kalaallit Nunaanni inuiaqatigiinnut saaffigissallutik kalaallit inuusuttut qitittalernissaannik kaammattorlugit. Aatsaavissuaq Kalaallit Nunaanni innuttaasunut tamaginnut qitik neqeroorutigineqartoq, Nordisk Kulturfond ilisimatitsivoq.

Læs "Dansefestival i fire byer"

Qitittartut Norgemi Bårdar Danseteater og Akademimeersut Paamiunut, Nuummut, Sisimiunut Tasiilamullu tikeraassapput isiginnaartitsiartorlutik sammisaqartitsiartorlutillu.

Powered by Labrador CMS