Skip to main content

Indonesiami nunap sajorujussuarnerani tallimat ajunaartut

Indonesiap avataani nunap sajorujussuarnerata kingorna tassaarsuaq pinngitsoorpoq, nunalli sajunnera inuit tallimat inuunerannik akeqarluni

Pingasunngornermi Indonesiap avannamut sineriaata avataa nunap sajunneranit sakkortuumit eqqorneqarmat inuit tallimat ajunaarput meerarlu ataaseq aqqunartiterujussuarluni, Indonesiami ajunaarnersuaqartarneranut allaffeqarfik sisamanngornermi nalunaarpoq.

Ikinnerpaamik inuit marluk uummallulertik toqupput, ataaseq tuparujussuarnerminik toqquteqarluni meerarlu ataaseq orpik uppimmat aqqunartiterujussuarluni, allaffeqarfiup oqaaseqartartua  Sutopo Purwo Nugroho oqarpoq. Oqaatigisanili itisilerusunngilai.

Læs "Nuuk-par slap med tsunami-skræk"

Læs "Varslingscenter afblæser tsunamialarm"

 

- Ajoqusersimasunik aseruinernillu allanik misissuinerput suli ingerlapparput, tusagassiortunut allaganngorlugu nalunaarutimini oqarpoq.

Nunap sajorussuarnerata Richterip uuttuutaa malillugu 8,3-mik sakkortussuseqartup kinguneranik nunap immikkoortuani avannarpasissumiittumi Acehmi najugaqartut uiverlutik aqqusinernut qimarrapput. Nunap sajunnera Indiami ungasikkaluaqisumi malugineqarsinnaasimavoq.

Indonesiap avataani imaani nunap sajunnera imavimmi Det Indiske Oceanimi innermik anitsisartoqarfiusumi, Innerup Nigalianik oqaatigineqartartumi, nunap sajuttaqattaarneranik malitseqarpoq.

Taamaattorli decembarip 26-ani 2004-mi nunap sajunnerata kinguneranik tassaarsuaqarnerata assinganik tassaarsuaqanngilaq. Taamani ajunaarnersuaq nunani Det Indiske Oceanimut sineriaqartuni 13-ini inuit 230.000-it missaanniittut inuunerannik akeqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER