Skip to main content

Peqqinnissaqarfik maannakkorpiaq iliuuseqarfigineqarli

- Peqqinnissaqarfik ajutuuissanngippat naalakkersuisut maannakkorpiaq iliuuseqartariaqarput, Atassutip siulittaasua Gerhardt Petersen mianersoqqusivoq 

Peqqissutsimut Naalakkersuisoqarfimmi pisortamik peqqissutsimullu naalakkersuisumik Agathe Fontainimik isornartorsiuinerujussuaq ingerlaqqippoq.

Tamatumuuna Atassup siulittaasua Gerhardt Petersen oqaatsit sakkortuut atorlugit isornartorsiuivoq.

- Miserratigineqarsinnaanngilluinnarpoq qanoq iliuuseqarnissamik itigartitsisoqarsinnaanngilluinnartoq peqqinnissaqarfimmi qullersat angerlartinneqarnerisa kingunerisaat erloqinartut pissutigalugit, pissutigalugu tamanna peqqinnissaqarfimmi sulisut akornanni toqqissisimannginnerujussuarmik pilersitsimmat.

Naalakkersuisunut allakkatigut ammasutigut Gerhardt Petersen taamatut allappoq.

Atuaruk "Sanami sulisut pissutsit kamaatigaat"

Atuaruk "Tamarmik qanittukkut aaqqiisoqaqqusipput"

- Atassummit ersissutigaarput nakorsanik amigaateqarnerup peqqinnissaqarfimmilu sulisunik allanik amigaateqarnerup nungusarneranik suliniuteqarnerup ajoquserneqarujussuareersimanissaa, ajoqusiinerlu suli annerulissaaq peqqinnissaqarfimmi qullersaqarneq iluarsineqanngippat.

- Taamaattumik Atassummit nakorsat peqatigiiffiat isumaqatigilluinnarparput, taassuma piumasarimmagu arlaannaannulluunniit attuumassuteqanngitsunik avataaneersunik misissuisoqarnissaa. Inissaminiissaaq peqqissutsimut naalakkersuisup Agathe Fontainip suliassamut tunniusimanerata misissorneqarnissaa, Atassutip siulittaasua allappoq.

- Peqqinnissaqarfik ajutuuissanngippat naalakkersuisut ingerlaannavik iliuuseqartariaqarput.

Atuaruk "- Naak akisussaasoq?"

Peqqissaartumik misissuisoqarli, qujanaq
- Suliassat assigiinngitsut maanna ingerlasut takutitsinerattut peqqinnissaqarfimmi attaveqaqatigiinneq taama tukatsigalunilu paasiuminaatsigippat, ersissutigaarput paatsiveqannginnersuaq ingerlajuassasoq, tamannalu naammannani: Aamma ersissutigaarput peqqinnissaqarfiup innuttaasunik sullissinera ajorseriassasoq, taamaattumik pisariaqarpoq aqutsisoqarfik peqqinnissaqarfiullu ingerlanneqarnera illersorneqarsinnaasumik pinersut peqqissaartumik misissorneqartariaqarpoq, Gerhardt Petersen erseqqissaavoq.

Peqqinnissaqarfimmi aqutsinermut pisortaq Kurt Nielsen, nakorsaaneq Carsten Thordal peqqissaasuunerlu Lisberth Lumby Rasmussen sapaammi marsip 25-ianni suliffimminnit angerlartinneqarput. Nunami peqqinnissaqarfimmi qullersat sisamat ilaat pingasut angerlartinneqarput akissarsianit siumut tunniunneqarsimasut pissutigalugu.

Tamanna naalakkersuisoqarfimmi pisortap Ann Birkekær KJeldsenip paasissutissiisutiginikuuvaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER