Skip to main content

Aningaasaateqarfissuaq qinnuteqartussarsiorpoq

Dudo og Poul Brandts Fond 2011-mi kalaallinut qallunaanullu ilinniagaqartunut tapiissutinik katillugit 827.000 koruuninik agguaassivoq. Qinnuteqartut amerlanerusut ujartorneqarput 

Dudo og Poul Brandts Fondip ukiumi naatsorsuusiorfiani siullermi soqutiginninneq annertusimavoq, legatinik qinnuteqartut 90-it missarpiaanniissimallutik, taakkunanngalu 44-t tapiiffigineqarlutik.

Taamatut oqaluttuarpoq aningaasaateqarfiup siulittaasua, eqqartuussissuserisoq Michael Keldsen.

- Qinnuteqaatit ilarpaalui aningaasaateqarfiup siunertaata avataaniissimapput, aammalu qinnuteqartut ilarpaalui naammattumik kalaallinut akuusimanngillat aningaasaateqarfiup qinnuteqaataat akuerisinnaanagit, taanna nassuiaavoq.

Aningaasaliissuteqartoqartarpoq Kalaallit Nunaanni ilinniagaqartunut aammalu kalaallinut nunani allani ilinniagaqartunut, aningaasaateqarfillu legatinik angisuunik ataasiakkaanik legatinillu mikinerusunik arlalinnik tunniussisimavoq, assersuutigalugu ilinniagaqartut pc-nik atuakkanillu pisisinnaalersillugit.

Pisuni ataasiakkaani aningaasaateqarfiup ilinniagaqartut ikiorsimavai, nunani allamiinnerminni piffissap ilaani ineqarnermut akiliutinut marlunnut akiliisariaqartarsimasut, ilaatigut namminersorlutik oqartussanit ilinniagaqarnersiut naammanneq ajormata.

Atuaruk "Aningaasaateqarfiup aningaasaateqarluartup ilinniagaqartut tapiissuteqarfigai"

2012-imi kvartalimi siullermi aningaasaateqarfik suli amerlanerujartuinnartunillu soqutigineqarpoq qinnuteqartorpassuaqarluni.

Aningaasaateqarfiup ilimagaa kalaallit ilinniagaqartut amerlasuut, pingaartumik nunani allani ilinniagaqatut, Danmarki ilanngullugu, aningaasatigut ajornartorsiutinik ilinniagaqarnerminnillu kinguaattoornermik sorsuutigisaqartut, aammalu ilinniagaqartut arlallit ilinniakkanik arlalinnik aallartitsisarsimagunartut, ilinniagaqarfimmik eqqortumik nassaarnissamik tungaanut.

Qinnuteqartut amerlanerusut ujartorneqarput
- Kalaallit Nunaata qaffasinnerusumik ilinniagaqarfinnit kandidatit atorfissaqartippaat soorlu ingeniørit, inatsisilerituut, økonomit, cand.merc.-it, nakorsat il.il., Michael Keldsen erseqqissaavoq.

Taamaattumik aningaasaateqarfik ilinniagaqarfinnik tamakkuninnga ilinniartunit amerlanerusunik qinnuteqartoqarnissaanik soqutiginnippoq, aammalu ilinniagaqartunit, aningaasaateqarfiup inatsisaata iluani tapiiffigineqarsinnaasunit.

Aningaasaateqarfimmut saaffiginnittoqarsinnaavoq siulittaasumut Michael Keldsenimut, Kromann Reumert, mk@romannreumert.com, tlf. +45 38 77 44 80.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER