Tsunamimik kalerrisaarineq taamaatiinnartoq
USA'mi tsunamertoqarnissaanik kalerrisaariviup aamma Sri Lankap, Indiap aamma Indonesien tsunamernissamik ilimasaarut taamaatippaat
Det Indiske Oceanimi immap naqqata sajorujussuarnerata kingorna Tsunami kalerrisaarutaagaluartoq takkutinngitsoortussanngorunarpoq.
USA'p tsunamertoqarsinnaaneranik kalerrisaarivia Hawaiittoq, kalerrisaarinernik sorlernik naalakkersuisut innuttaasunut tusarliussisarnerinik siunnersuisartuusup kalerrisaarut taamaatiinnarpaa.
- Ulussaarsuartoqarnissaanik ulorianartorsiorneq millimmat sumiiffiillu ilaanni taamaatiinnarunarmat, kalerrisaariviup tusarliussaagaluani utertiinnarpaa.
- Sumiiffinni tamaginni atuuppoq, immap naqqata sajoreernerata kingorna nalunaaqqutap akunneri marluk qaangiutsillugit malerujussuarnik takkuttoqanngippat, mallit aserujuerujussuarsinnaasut ilimagineqartutut angitiginngikkaangata, sumiiffinni pisortat sinnissaasa naatsorsuutigisinnaasarpaat ulorianarsinnaasoq qaangiussimasoq, tsunaminik alapernaarsuiffiup nalunaarutigaa.
Ilanngullugu allaaserineqarpoq immap sarfarujussuarneranit umiarsuit sinerissallu sinaanni sanaartukkat nalunaaqquttap akunneri arlallit ulorianartorsiorsinnaasut.
Tamatuma kingorna nunat eqqorneqarujussuartartut Sri Lanka aamma Indonisiap ulussaarsuartoqarnissaanik kalerrisaarut taamaatippaa, nutaarsiassaqartitsivik AFP allapoq.
Indiami kalerrisaarineq aamma taamaatiinnarneqarpoq ulorianartuerummat.