Skip to main content

Aatsitassat qaqutigoortut ataatsimeersuarnermi qaqissavaat

Aatsitassat pillugu politikkikkut inissisimaneq Geus'ip ataatsimeersuartitsinissaami EU'mi siulittaasoqarfiup aaqqissuussaani oqaluuserineqassaaq

Omkring 200 deltagere regnes med at deltage i den kommende international konference om blandt andet Grønlands sjældne jordarter. 

Kalaallit Nunaanni aatsitassat qaqutigoortut nunat tamalaanit oqaluuserineqarnissaanni inuit 200 missaat peqataassangatinneqarput. 

Danmarkip EU'mik siulittaasuutitaqarfimmik tigummiarnerminut atatillugu EU aamma Geus maajip aqqaneq-aappaanni aatsitassat qaqutigoortut pillugit ataatsimiisitsissapput. 

Politikkerit, pisortat suliffeqarfiutaat aatsitassarsiortunillu sinniisut ataatsimeersuarnermi peqataassangatinneqarput, tassani EU'p aatsitassanik qaqutigoortunik piumaneqaqisunik pissarsisinnaanerata killeqarnera oqaluuserineqassaaq. 

 

Tunngavilersuutit pingasut
- Siullertut kissaatigaarput aatsitassat atortussiassat maannakkut inissisimarngi paasisaqarfiginissaat. Sooq aatsitassanik pisariaqartitsivugut? Aamma nunarsuarmi EU'milu aatsitassat qaqutigoortut siunissami piumaneqarneri qanoq naatsorsuutigineqarpat? Siunissami suut pisariaqartinneqassappat?, Geus qaaqqusissummi allappoq.   

- Aappassaattut kissaatigaarput europamut tunngatillugu aatsitassat isumalluutit nunap sananeqaataa aallaavigalugu tikikkuminassusaasa oqaluuserinissaat. Kalaallit Nunaanni aatsitassat saqqummiutissavagut, Europami aatsitassat isumalluutit akornanni nalinginnaasunngitsut. Savimmerngit piumaneqaraluttuinnartut pitsaanerusumik atoqqissinneqarsinnaaneri oqaluuserissavagut, Geus naqissusiivoq. 

- Pingajuattut kissaatigaarput suliffeqarfiit siuarsaasut teknologimik nutaaliaalluinnartumik atuisut aamma suliffeqarfiit nukissamik atuinikitsumik ingerlatsisut. Tuniniaanermi killilersuineq qanoq ingerlanneqartarnersoq, tuniniaaffiillu siunissami qanoq ingerlanissaat naatsorsuutigineqarnersoq?

-  Ataatsimeersuarneq naggaserlugu siunnerfiusinnaasut iliuuserisinnaasallu oqaluuserineqassapput, pisariaqartitanik pissarsiniarnissamut isumaqatigiissutissatut, Geus allappoq.

Ataatsimeersuarneq ingerlanneqassaaq: Geus, Østervoldgade 10, København.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER