D: Isumaqatigiinniaqqittariaqarpusi
Demokraatit Imak kajumissaarpaa isumaqatigiinniarnerit angusaqarfiuniarlutik aallartissappata, sulisunik mattussineq atorunnaarseqqullugu
Demokraatit ullumi Imakip aqutsisui ataatsimeeqatigaat, Imakip kiisalu Namminersorlutik Oqartussat/KANUKOKA-llu aaqqiagiinnginnerisa eqqissisimasumik iluarsiiviginissaanut periarfissarsiorlutik.
- Ataatsimiinneq ingerlalluarpoq taamaattumik Demokraatit neriuutigaat, illuatungeriit piaartumik isumaqatigiinniaqqilersinnaajumaartut.
Taama oqaluttuarpoq Demokraatit politikkikkut oqaaseqartartuat, Anda Uldum.
- Demokraatini meeqqat atuarfianni ilinniartitsisut ataqqilluinnarpagut taakkulu ilisimasaat piginnaasaallu taamatut. Ilisimasaat tunngaviusussaavoq meerartatta ilinniagaqalernissaannut, taamaasillutillu inuiaqatigiinni atungartuussusermik, nuannarisatsinnik, ineriartortitseqataallutik.
- Taamaattumik Demokraatinut naalliunnarsimavoq, illuatungeriit akaareqatigiikkunnaarnerat qaangerniarlugu isumaqatigiinniarneq aqqutigineqarsinnaarpasinngimmat. Inatsisiliorneq periarfissani kingullerpaassaaq, aatsaallu atorneqassalluni misiliigaluarnerit tamarmik iluatsinngippata.
- Taamaattumik Demokraatinut naalliunnarsimavoq, illuatungeriit akaareqatigiikkunnaarnerat qaangerniarlugu isumaqatigiinniarneq aqqutigineqarsinnaarpasinngimmat. Inatsisiliorneq periarfissani kingullerpaassaaq, aatsaallu atorneqassalluni misiliigaluarnerit tamarmik iluatsinngippata.
- Demokraatit malugisimavaat aaqqiinissaq soqutigineqartoq, Anda Uldum oqarpoq.
Sulisunik mattusinerup taamaatinnissaa kajumissaarutigaa
Anda Uldum oqaluttuarpoq, Demokraatit ullumi Imakimik ataatsimeeqateqarnermini kaammattuutigaa piffissami sivitsortumi atorfineqqusiunnaarneq unitsinneqassasoq, piviusorsiortumik isumaqatigiinnarnerit aallarteqqinneqarpata.
- Uagutsinnut pingaaruteqarpoq, meeqqat atuarfiata taamaasillunilu meeqqat atuartitaanerisa kiisalu ilinniartitsisut atugarissaarnissaasa pisariaqanngitsumik isumaqatigiinniarnerni innarlerneqannginnissaat. Peqataanik aamma isumaqarpugut, meeqqat atuarfianni sullivimmi avatangiisit misissorneqassasut siunertaralugu sulisunut politikkiliornissaq, sullivimmi atukkanik pitsanngortitsisussamik kiisalu meeqqat atuarfiata suliffittut orniginarnerulernissaa, Anda Uldum tikkuaavoq.
- Demokraatinut pingaarnerpaajuvoq meeqat atuarfianni meeqqat ilinniartinneqarnissaat. Ukioq atuarfiusoq ataasiinnarluunniit annaassanngilarput – taamaattumik atasinnaasumik isumaqatigiissuteqartoqartariaqarpoq.