Skip to main content

Ilaqutariit qallunaat qatsinnermut qimaapput

Vincent Byakika Thailandimiippoq Phuketimiit akunnernik marlussunnik umiartorluni orninneqarsinnaasumi, tassaarsuup tikitassaani  

Kangiata kujammut kangiani tassaarsuarfissamiikkuit Sermitsiaq.AG-mit piaarnerpaamik tusarfigerusuppatsigit. Aaqqissuisoqarfik redaktion@sermitsiaq.ag-mut attaveqarfigineqarsinnaavoq imaluunniit internetimi aaqqissuisumut Søren Duran Duusimut sianerlutit 38 39 56-imut kiisalu suulut@sermitsiaq.ag-mut allallutit. 

Thailand aamma India nunap sajorusussuarneratigut tassaarsuarmik eqqugaasinnaapput. Qallunaaq Vincent Byakika Thailandimi qeqertami Kh Lantamiippoq Phuketimiit akunnerit marluk atorlugit angallammik tikinneqarsinnaasumi, tamannalu tassaarsuarmik materinik marlunnik portussusilimmik eqqugaasussami. 

Arnaatini Louise meerartillu qulingiluanik qaammatilik inuit 150-t allat peqatigalugit qaqqajunnamut qimaapput, sulilu inuit amerliartorput. 

Qaqqajunnap qaani illut qimanneqarsimapput, inuimmi aneerasaartarfimmikkut tassaarsuup takkunnissaa nasippaat. 

- Inuit sissueqaat, ingammik Thailandimiu unillutik nasipput. Nalunngilaat tassanngaannaq takkussinnaasoq, ajoraluartumimmi tamanna misillerfigisimavaat, Vincent Byakika Ritzauimut oqarpoq.

Qimagussueqqusipput
Thailandimi sineriaqarfiit arfinillit inunnik qimagussueqqusiffiupput, kikkullu tamarmik qatsinnerusumut ingerlaqquneqarlutik. Ilaatigut eqqorneqartussaapput takornariaqarfissuit soorlu Phuket aamma Phangnga.

Maannakkut ilaqutariinnguit pisortat nalunaarnissaat utaqqiinnarpaat sissap killingani illuminnut uternissaminnut.

Vincent Byakikap nalaatsornerinnakkut tassaarsuaqarnissaanik kalerrisaarut taasivaa, Thailandimiut nalunaaqutaat malullug tallimanngulersoq sissaliarami tagiartortinniarluni.

- Arnap Thailanimiup erserpalulluni isigaanga aperalunga maannakkorpiaq tagiartortikkusunnersunga. Amerikamioq taava oqarpoq tassaarsuaqarnissaanik ilimasaaruteqartoq. Angalaalerpunga sumilu tamaani politiit siggajoorlutik takusinnaavaralu niuertarfiit matoorartut, oqarpoq. 

Inui oqarasuaatitik angallattakkat atorlugit paasiniaaqattaarput internetimi aviisini allassimasunik misissuillutik, oqlauttuarpoq. 

Inuit ilumoorussipput
- Politiit ingerlaarlutik højtalerikkut inunnik kalerrisaaripput. Inissisimaffitsinni tusaasaqarsinnaanngilagut isumaqarpungali isumannaatsumiilluta. Inuit eqqarsarput: ajortoqassappat qisuariarnissamut periarfissaqassaaq, sissarmi tinerujussuaqqaassaaq kingornalu tassaarsuaq takkulluni, oqarpoq.  

Thailandimiut nunat allamiullu tassaniittut 2004-mi Thailanidmi tassaarsuaqarmat ajunaarnersuaq eqqaamavaat.  

- Inuit ilumoorussipput. Oqarput pinngortitaq qanoq iliorsinnaanersoq nalullugu. Uniffeqanngillat qimaariaannaallutik. Sissap killingani niuertarfiutillit scooteriminni biilinilu issiapput qummut qimaanissaminnut piareerlutik, oqarpoq. 

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER