Meeqqat atuarfiat sipaarniutigineqassanngilaq

Inatsisitigut akuliunnermi meeqqat atuarfianni sinaakkutissatut atugassarititaasut ajorseriartinneqannginnissaat pingaartuusoq, Siumumeersut Aleqa Hammondip Ruth Heilmannillu tikkuarpaat

- Siumumit pingaartilluinnagarput tassaavoq inatsisitigut akuleruttoqarneratigut suliaq naammassinnginnerani Inatsisartunit partiit tamarmiusunit oqareertoqanissaa meeqqat atuarfiannut aningaasatigut sipaarniartoqannginnissaa Inatsisartut aningaasanut inatsimmut 2012-moortumik suliaqarnerini akuersissutigisimasartik aalajaaffigilluinnarlugu inissisimassasut.

Taama Siumumit Inatsisartut ilinniartitaanermut, ilisimatusarnermut ilageeqarnermullu ataatsimiititaliaannut ilaasortat marluk, Aleqa Hammond aamma Ruth Heilmann oqarpoq.

Taamatut oqaaseqaateqarput naalakkersuisut inatsisartuni oqaluuserineqartussamik inatsisissatut siunnersuusiulersullu. Siunnersuut inatsimmik Imakip aamma namminersorlutik oqartussat akornanni aaqqiagiinnginnerup inatsisitigut akuliuffiginissaanik periarfissiisumik inerneqassaaq.

Tamatumunnga atatillugu Siumut isumaqarpoq aaqqiissutissamik illuatungeriit marluullutik inooqataaffigisinnaasaannik nassaarnissaq pisariaqartoq.

Læs "Fiasko-mægling koster kassen"

- Siumup aamma kissaatigaa maannakkut atorfinitsitseqqusiunnaarsimanerup atorunnaarsinneqarnissaa tullinnguuttoq, siunissamut ilinniartitsisussat aammalu atorfimminnit allatut aaqqiissuteqartoqarniartillugu pilersaaruteqartut periarfissikkumallugit aammalu toqqissisimanartumik atuarfeqarfiit inissisimanissaat anguniarlugu, Aleqa Hammond aamma Ruth Heilmann tikkuaapput.

- Siumut isumaqarpoq inatsisitigut akuliunnissami atuarfinni sinaakkutissatigut atugassarititaasut ajorseriartinneqannginnissaat pingaartuusoq. Atorfinitsitseqqusiunnaarnermik atorunnaarsitsineq sipaarniutissanillu itigartitsineq inatsisissatut siunnersuummut Inatsisartuni oqaluuserineqalerpat partiinut ilisaritinneqartussamut minnerpaamik qulakkeerniarneqartussat.

Læs "Imak: Nok er nok"

Læs "Konfliktløsning skal findes nu"

- Taamaanngippammi ajorluinnartumik ilinniartitsisoqarniarnikkut inissisimalertoqassammat tamannalu Siumup politikkianut akerliussaaq. Siumut isumaqarpoq meeqqat atuarfiat aammalu ilinniartitsisui tassaasut nunatta siunissamut toqqissisimanartumik isumannaatsumillu atugassaqartisinissamut tunngaviliisut eriagilluinnarlugit aammalu ataqqilluinnarlugit suleqatitut qaninnerpaatut naalakkersuisunermit suliaqartunit kinnerfigineqartussat.

Mattussineq marsip aallaqqaataaniilli
Ilinniartitsisunik atorfinitsitseqqusiunnaarneq marsip aallaqqaataani atuutilerpoq. Taamaalillutik nunatsinni atuarfiit ilinniartitsisunik nutaanik qaammat ataaseq sinnerlugu atorfinitsitsisinnaasimanngillat. Atorfinitsitseqqusiunnaarneq atuarfinnut ingerlatsivinni atuarfiillu pisortaasa allaffiini isumaliutinik annertuunik kinguneqareersimavoq. Tassami ukiup taamaalinerani ukiumi atuarfiusussami atuartitsissutinik agguataarinissaq pilersaarusiorneqalereersaraluarpoq.

Ilinniartitsisut sorliit sulisorineqarnissaat atuarfiit pisortaannit eqqoqqissaartumik ilisimaneqanngikkaangat inissitsiteriniarneq tamanna ajornakusoortuusarpoq.

Powered by Labrador CMS