Skip to main content

Aatsitassasiorniat kalaallisut qinnuteqassapput

Ima qulequtserlugu: -Piareersarluarneq suliamik aallartitsilluartitsisarpoq?, Akitsinnguaq Olsen naliliivoq, Killavaat Alannguani aatsitassarsiorniarnerat kingusinaartoornerat oqaatsinik inatsimmik patsisilersuutaat pillugu qisuariaammi 

Poorski sioqqullugu Sermitsiaq allaaserisaqarpoq, Killavaat Alannguani aatsitassarsiorniat qinnuteqaataanik qulaajaasumik. Tanbreeze Mining Greenland A/S ringbindit 18'it tunniummagit paasinarsisoq, ringbindit marluk pinngitsooratik - Oqaatsit pillugit Inatsimmik eqquutitsissagunik - pinngitsoornatik kalaallisut nutserneqartariaqartut.

Allaaserisaq qulequtaqarpoq: Oqaatsitigut piumasaqaatit Killavaat Alannguani aatsitassarsiornissaq kinguarsarpaa.

Sermitsiaq.AG atuartartut ilaata Akitsinnguaq Olsen, Siumut, qisuariaataa tiguarput tamakkiisumik saqqummiullugu:

...Oqaatsitigut piumasaqaatit Killavaat Alannguani aatsitassarsiorniat kinguarsarpaat “Akuersissummik qinnuteqaatip ilaa tusarniaassutigineqartussaq kalaallisut tunniunneqassaaq” pillugu qisuariarneq.

 

Nunami qinnuteqarfigisami oqaatsinik piumasaqaateqarneri peqqutissarsiutigissallugit appasippallaarujussuarpoq, suliniutinik aallarniinissani sunilluunniit eqqartuisoqartillugu, allatigulluunniit nunatsinni suliassaqarfinnik eqqartuisoqartillugu.

 

 

Piareersarluarsimannginnermik takussutissaavoq, suliffeqarfik aallaqqaammulli nunami qinnuteqarfigisassami piumasaqaatinik sunik tunngaveqarnersoq qimerloorluarsimanngikkaanni! Aningaasaliinissamik piareersimagaanni, kingusinnerusukkullu ilimanarluarsinnaasumik aningaasanik utertitsiffiusinnaasunik suliunitinik ingerlatsiniaraanni, piareersimaffigisariaqarpoq aamma piumasaqaatit suut aallaavigineqarlutik qinnuteqartoqarsinnaaneranik aallaqqaammulli misissuilluassalluni.  Kaammattuutiginnassaarlu soqutigisaqatigiit tamarmik, suliffeqarfinnillu ingerlatsiviit allallu soqutiginnittut, piumasaqaatinik sunik nuna aallaaveqarnersoq misissorluartaqqullugu, imaanngitsoq  maluginianngitsoorsimasaq qinnuteqaateqarnermi aatsaat paasileriasaarlugu. Taamaassimappammi suliariniagaq piareersarluagaasimassanngilaq, aallartinnerliulereersimassallunilu?

 

Tanbreez Mining Greenland A/S pillugu Sermitsiami atuarsinnaavat - aviisi nittartakkakkut uannga aamma pisiarisinnaavat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER