Skip to main content

Sooruna 9230'mi adresseqartoq?

Kalaallit Nunaanni suliffissuit annerpaartaata tassa Royal Greenlandip allaffissornikkut qullersaqarfia Svenstrupimi inissisimanera kukkuneruvoq, tamanna akuerineqarsinnaanngilaq, Siumut taama allappoq.

- Royal Greenland-ip qullersaqarfia Danmarkimi susoq?!

Taama tupigusuppalutsigaluni Siumup siulittaasuata tullia Karl Lyberth, tusagassiivinnut allappoq.

- Paasitinneqarnera malillugu Svenstrup-imi RG-p qullersaqarfiani allaffimmiut 90-it tungaanut amerlatigisut sulitippagut, tamarmik qallunaaginnaat kalaalersaqanngitsut.

Karl Lyberthip eqqortuusorinngilaa suliffeqarfissuaq nunatsinnit pigineqartoq Danmarkimi inissisimasariaqartoq.  

- Pingaartumik eqqarsaatigalugu qullersaqarfiup pineqartup ajornanngilluinnartumik annerusumillu ajornartorsiutitaqanngitsumik nunatsinniitinneqarsinnaagaluarnera, minnerunngitsumik aamma nunatsinni allaffimmiutut ilinniarsimasunik suliffissaaleqisoqarnera eqqarsaatigalugu.

Royal Greenland-ip qullersaqarfiata Svenstrup-imi inissisimanera pissutaalluni nunarput aningaasarpassuarnik annaasaqaannarani aammali inuppassuit ilinniarluarsimasut nunatsinni najugaqartillugit atorfeqartinnissaraluat annaavarput, qularnanngitsumik ulluinnarni allarpassuartigut aamma nunatsinni iluaqutaasinnaagaluartut.

- Royal Greenland-ip qullersaqarfiani inuit 85-it atorfeqartinneqarpata, agguaqatigiissillugu ukiumut 500.000 kr.-nik akissarsiallit, taava akissarsiaannarnut RG-p ukiumut 42,5 mio. kr. atortarpai. Taakkua saniatigut allaffissuaq akikinnavianngitsoq akilersorneqassaaq, aningaasartuutillu allat suussagaluarnersut soorunami aamma ilannguttariaqassallutik.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER