Skip to main content

Dronning Margrethe: Kalaallit nunaaliaqqikkumaarpunga

- Jeg slet ikke kunne undvære rejserne til Grønland, siger 72-årige Dronning Margrethe under et solointerview om Grønland og udviklingen i denne uges Sermitsiaq

Kalaallit Nunaannut tikeraaqqaarneq, kunngissaq ilagalugu "isertortumik" qimussernerit kunngikkormiullu Kalaallit Nunaannut immikkut ittumik attaveqarnerat, tamakkuupput Sermitsiami sapaatip akunnerani uani saqqummersumi atuarneqarsinnaasut. 

Ataqqinartorsuup Dronningip Nunatsinnik naapitseqqaarnini puigunngisaannarpaa: 

- 1960’imi Kalaallit Nunaanik naapitseqqaarneq misinnartorujussuuvoq. Nuna angisoorujussuaq. Takorloorsinnaasamit annerujussuulluni sinnattorisimanngisannillu alutornarneroqaluni. Tikeqqaarneraniilli qamuuna alutoreqaara. Taamma oqaluttuarpoq  dronning Margrethe, ukiunik 40’ni dronningitut nalliuttorsiornermut atatillugu Kalaallit Nunaanni misigisarsimasai pillugit uani apersorneqarnermini. 

 

Dronningip angerlarsimaffimmini ilassivaatigut, Det Lille Bibliotekimi Christian den IX’p illussaarsuani. Ini iseruminartoq atuagarpassuaqarluni assullu eqqissisimanarluni. Tamaanneereernikuugatta ittuukulunngilagut.

- Taamani Kalaallit Nunaannut tikippunga misigisaqarujussuarnissamik takorluugaqarlunga. Aamma taama pisoqarpoq. Kingorna tikinnerit tamaasa taama misigiuartarpunga. Dronningi taamani 1960’imi Kalaallit Nunaannut angalaqqaarami angajoqqaani kisiisa ilagai. Aamma taamani Dannebrog aappassaanik Kalaallit Nunaannippoq.

 

Kalaallit Nunaanni ineriartorneq

Kalaallit Nunaannut ukiorpassuit ingerlaneranni tikittarninni tamaani ineriartorneq qanoq Nalilerumaviuk?

Ineriartorneq sukkasoorujussuarmik pivoq. Illoqarfiit angissusaat – Nuuk kisiat pinnagu – allalli aamma tamarmik allanngorluinnarnikuupput. Pisulli ilaat eqqaasitsissutigineqartarput aammami ilaanni imminut eqqaasinniartarpunga, 1960’imi perngaamik tikeraaqataaqqaarama, taamani Qullissaniikkatta.

- Illoqarfik taanna qangarsuarli matusaavoq. Najugaqarfiit matusaanikut ilaat tikinnikuusimaneri ineriartornerup ingerlarnganik oqaluttuaqataapput.
- 1960’imi tikitatta ilagaat Uummannatsiaq Uummannap pigisaani nunaqarfiusimasoq taanna aamma maannakkut piuneerunnikuuvoq, dronning Margrethe oqarpoq - Sermitsiami apersorneqarnera takisooq atuarneqarsinnaavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER